Akademiialyq adamdyq ligasyna múshe joǵary oqý oryndary stýdentter arasynda úshtik baǵanyń azaiyp ketýine alańdaýly, dep habarlaidy QazAqparat tilshisi.
Akademiialyq adaldyq ligasy óz quramyndaǵy 12 JOO stýdentteriniń baǵasyna taldaý jasaǵan. Nátijesinde, stýdentterge "óte jaqsy" jáne "jaqsy" baǵalary jii qoiylatyny anyqtalǵan.
M. Nárikbaev atyndaǵy QazGIýÝ ýniversitetiniń rektory Talǵat Nárikbaevtyń aitýynsha, stýdentterdi stipendiiadan aiyrmaý úshin oqytýshylar baǵany kótermelep qoiýǵa májbúr.
"Kóptegen oqytýshylar stýdentterge "qanaǵattanarlyq" baǵasyn qoiǵysy kelmeidi, sebebi memlekettik grantta oqityn stýdent úshtik alsa, stipendiiasynan aiyrylady. Stipendiianyń stýdentke beriletin áleýmettik kómek ekenin eskere otyryp, QR Bilim jáne ǵylym ministrliginiń "qanaǵattanarlyq" baǵasyn alǵan stýdentke de stipendiia berý bastamasyn qoldaimyz. Osylaisha, oqytýshylar stýdentti ádil baǵalai alady. Mundai taldaýdy elimizdegi barlyq JOO-da júrgizý kerek", - dedi Talǵat Nárikbaev Astanada ótken QR BǴM Alqasynyń keńeitilgen otyrysynda.
Onyń aitýynsha, Akademiialyq adaldyq ligasyna múshe bilim berý uiymdarynda baǵalardyń 55 protsenti - "óte jaqsy" jáne "jaqsyǵa" tiesili. Kei jaǵdailarda "qanaǵattanarlyq" jáne "qanaǵatsyz" baǵalary esh stýdentke qoiylmaǵan.
"Bul jaǵdai stýdentterdiń jetistigi týraly burys pikir qalyptastyrady. Dál osy balalar ekonomikanyń naqty sektorlarynda básekege jaramai jatady. Akademiialyq adaldyq ligasynyń barlyq músheleri 2019 jyldyń 1 maýsymyna deiin baǵalardyń ortasha kórsetkishin engizýi kerek", - dedi ol.
Alqa otyrysyna qatysqan QR Bilim jáne ǵylym ministri Erlan Saǵadiev bul sharalardyń stýdentterdi ádil baǵalaý men sybailas jemqorlyqtyń aldyn alýǵa da kómektesetinin aitty.
"Bilim berý salasyndaǵy baqylaý komiteti men Ishki aýdit qyzmetine barlyq JOO stýdentteriniń tiisti stipendiialaryn alǵanyn tekserýdi tapsyrdym. Buǵan da alqa sheshimi kerek. Eger eshkim qarsy bomlasa, stipendiialar boiynsha usynystardy talqylaiyq", - dedi ministr.
