Kóligi urlanǵan azamattar kólik salyǵyn tóleýge mindetti me?Memlekettik kirister komitetiniń mamandaryna Ortalyq kommýnikatsiialar qyzmetinde osyndai saýal qoiyldy, dep habarlaidy QazAqparat tilshisi.
Jeli qoldanýshysynyń aitýynsha, ieligindegi kólik 2016 jyldyń mamyr aiynan beri izdeýde eken. Bir kúni sol kóliktiń salyq qaryzy jinaqtalyp, burynǵy iesi retinde moinyna iline me dep alańdaitynyn aitady.
Saýalǵa jaýap bergen Memlekettik kirister komitetiniń óndiristik emes tólemderdi, jeke tulǵalardy ákimshilendirý jáne arnaiy salyq rejimi departamentiniń direktory Azamat Sadyqov urlanǵan kóliktiń salyǵyn tólemeý úshin oqiǵany der kezinde habarlap, faktini dáleldeitin qujattardy pysyqtaý mańyzdy ekenin aitty.
«Kólik quraldaryn tirkeý salasyndaǵy salyq organyna beriletin is qozǵaý faktisin nemese kúnin rastaityn málimetter izdestirý kezeńinde kólik quraldaryna salyq tóleýden bosatý úshin negiz bolyp tabylady. Osylaisha, eger urlyq faktisin dáleldeitin málimetter bolsa, onda salyq eseptelmeidi», - dedi komitet ókili.
Eske salsaq, atalmysh brifingige kólik salyǵy qandai ólshemder boiynsha esepteletini aitylǵan bolatyn.
