Baspasóz, radio jáne internet-jýrnalistika salasyndaǵy «Úrker» ulttyq syilyǵyna biyl ózeris engizildi. Dástúrli 12 nominatsiiaǵa taǵy bir eksperimentaldy nominatsiia qosyldy, dep habarlaidy "Ult aqparat".
10 mamyrdan bastap barlyq adamdar «Úrker» ulttyq syilyǵy baiqaýynyń saitynda qosymsha nominatsiiaǵa daýys berdi. Oqyrman tańdaýyna 4 baǵyt usynyldy: 1) úzdik bloger; 2) úzdik vain; 3) úzdik pablik; 4) jyl haipy. Daýys berý nátijesi boiynsha 574 daýys jinaǵan «Úzdik vain» eksperimentaldy nominatsiia atandy.
«Úzdik bloger» (347 daýys) «Úzdik pablik» (201 daýys) «Úzdik vain» (574 daýys) «Jyl haipy» (541 daýys)Sondai-aq elordamyzdyń mereitoiyna orai Astananyń 20 jyldyǵyna arnalǵan úzdik material arnaiy nominatsiiasy qosyldy. Bul nominatsiianyń ózgelerden ereksheligi, munda 2008 jyly jaryq kórgen tańdaýly materialdar irikteledi.
«Úrker» ulttyq syilyǵyna el.kz saitynda tómendegi nominatsiialar boiynsha qatysýǵa ótinim bere alatynyńyzdy eske salamyz:
Úzdik fotosýret; Úzdik reportaj; Úzdik saraptamalyq material;Úzdik jýrnalistik zertteý;Úzdik suhbat; Qazaqstan týraly úzdik tanymdyq material;Úzdik halyqaralyq taldamaly material; Óńirlik úzdik radiostantsiia; Úzdik óńirlik merzimdi basylym; Qazaqstannyń úzdik radiostantsiiasy; Úzdik internet-BAQ; Úzdik respýblikalyq merzimdi basylym. Úzdik vain (eksperimentaldy nominatsiia)Baiqaýdyń laýreaty atanǵan jýrnalisterge estelik músin men qarjylai júldeler tabystalady. Árbir jeńimpaz 1 000 000 teńge kóleminde aqshalai syilyq pen dástúrli estelik músinge ie bolady.
Baspasóz, radio jáne internet-jýrnalistika salasyndaǵy «Úrker» ulttyq syilyǵy byltyr alǵash ret QR Aqparat jáne kommýnikatsiialar ministrliginiń bastamasymen ótken bolatyn. Ulttyq syilyqty uiymdastyrýshy «Qazcontent» AQ.
Baiqaýǵa shyǵarmashylyq jumystary 2017 jyly jariialanǵan baspasóz, internet-BAQ jáne radiostantsiialar redaktsiialary men jýrnalisteri qatysa alady.
