25 mamyrdan bastap «Úrker-2019» ulttyq syilyǵyna qatysý úshin ótinimderdi qabyldaý bastaldy.
Ótinimder 2019 jyldyń 25 mamyry men 20 maýsymy aralyǵynda www.urker-awards.kz resmi saitynda ornalastyrylǵan úlgige sáikes qabyldanady.
Ulttyq syilyq baspa, radio, internet-jýrnalistika salasyndaǵy úzdik jetistikteri úshin beriledi. Sonymen qatar, atalǵan syilyq óńirlerdegi mýltimediialyq jýrnalistikany damytýǵa yqpal etý, jýrnalistika mártebesin arttyrý, kásibi standarttar men kriteriilerdi bekitý, qoǵamnyń azamattyq belsendiligin arttyrýǵa baǵyttalǵan.
Ulttyq syilyqtyń negizgi maqsaty – talantty jýrnalister men shyǵarmashylyq ujymdardy anyqtaý, olardyń kásibi jýrnalistikany damytýǵa qosqan úlesterin taný jáne shyǵarmashylyqtaryna qoǵamnyń nazaryn keńinen aýdarý.
Syilyqtyń quryltaishysy jáne uiymdastyrýshysy – Qazaqstan Respýblikasynyń Aqparat jáne qoǵamdyq damý ministrligi.
2019 jyly ótinishter kelesidei nominatsiialar boiynsha qabyldanady:
1) Jyl fotografiiasy;
2) Jyl reportajy;
3) Jyl analitikalyq materialy;
4) Jyl jýrnalistik zertteýi;
5) Jyl suhbaty;
6) Qazaqstan týraly jyldyń tanymdyq materialy;
7) Jyl radiostantsiiasy;
8) Jyl aqparattyq portaly;
9) Jyl gazeti;
10) Jyl jýrnaly;
11) Jyl new media (telegram-kanal, áleýmettik jelilerdegi úzdik aqparattyq pablik).
Osy jyly dástúrli nominatsiialardan bólek, «Jyl new media» nominatsiiasy taǵaiyndalyp otyr. Bul nominatsiiaǵa qatysý úshin ótinimdi tanymal aqparattyq telegram-kanaldar jáne áleýmettik jelilerdegi belsendi toptar men pablikter bere alady.
Úzdikterdi arnaiy qurylǵan komissiia aiqyndaityn bolady. Komissiia quramyna elimizdiń media salasynyń damýyna eleýli úles qosqan tanymal media menedjerler, jýrnalister, qoǵam qairatkerleri kiredi. Jeńimpazdarǵa 1 000 000 teńge jáne syilyqtyń arnaiy estelik músinshesi tabystalady.
Esterińizge sala keteiik, baspa, radio jáne internet-jýrnalistika salasyndaǵy «Úrker» ulttyq syilyǵy 2017 jyly taǵaiyndalǵan. Eki jyl ishinde elimizdegi beldi basylymdar, internet-portaldar men jýrnalisterge jalpy sany 26 syilyq tabystaldy. Olardyń ishinde aqparattyq agenttikter, óz oqyrmany qalyptasqan taqyryptyq basylymdar da boldy.
Barlyq suraqtar boiynsha Uiymdastyrý komitetiniń telefony: +7 (7172) 79-82-15.
