Baspa, radio, internet-jýrnalistika salasyndaǵy úzdikterdi anyqtaý úshin «URKER – 2021» ulttyq báigesine ótinim qabyldaý bastaldy, dep habarlaidy "Ult aqparat".
Respýblika aýmaǵynda mediakontent óndiretin jáne taratatyn respýblikalyq jáne óńirlik radiostantsiialar, baspa jáne internet-basylymdar báigege qatysa alady.
Ótinimderdi qabyldaý ýaqyty 2021 jyldyń 17 mamyrynan 15 maýsymyna deiin júzege asyrylady.
Konkýrtyq jumystar 2020 jyldyń 1 qarashasy men 2021 jyldyń 1 maýsym aralyǵynda jariialanyp, basylymynda, internet-resýrsta jariialanýy ne radioefirde shyǵýy tiis. Ár úmitker báigeniń tek eki nominatsiiasyna qatysýǵa quqyly.
Ótinimder urker-awards.kz resmi saitynda 11 nominatsiia boiynsha qabyldanady:
1. Jyldyń úzdik fotosýreti
2. Jyldyń úzdik reportajy
3. Jyldyń úzdik analitikalyq materialy
4. Jyldyń úzdik jýrnalistik zertteýi
5. Jyldyń úzdik suhbaty
6. Jyldyń úzdik tanymdyq materialy
7. Radiostantsiiadaǵy úzdik joba
8. Jyldyń úzdik jańalyqtar portaly
9. Jyldyń úzdik gazeti
10. Jyldyń úzdik jýrnaly
11. Táýelsizdiktiń 30 jyldyǵyna arnalǵan úzdik material
Biylǵy jyly uiymdastyrýshy komitet elimizdiń Táýelsizdik jyldary qalyptasýyna arnalǵan jumystarǵa arnaiy nominatsiiany engizdi.
Táýelsiz qazylar alqasynyń quramyna engen kásibi jýrnalister, salanyń eńbek sińirgen qairatkerleri jáne Ázirbaijan men Germaniianyń halyqaralyq media-sarapshylary jumystardy baǵalaityn bolady.
Ulttyq báige jeńimpazdary «Úrker» estelik músinshesiniń jáne bir million teńge mólsherindegi qarjylai syilyqtyń iegeri bolady.
Ulttyq báige uiymdastyrýshylary - QR Aqparat jáne qoǵamdyq damý ministrligi, «Media damytý qory»korporativtik qory jáne «Qazmedia ortalyǵy» basqrýshy kompaniiasy.
«URKER» - baspa, radio, internet-jýrnalistika salasyndaǵy úzdik jetistikter úshin beriledi, aimaqtardaǵy mýltimediialyq jýrnalistikany damytýǵa yqpal etýge, jýrnalistika mártebesin arttyrýǵa, kásibi standarttar men kriterilerdi bekitýge, azamattyq belsendilikti arttyrýǵa baǵyttalǵan.
