Elordadaǵy «Qazmedia» ortalyǵynda baspa, radio jáne internet-jýrnalistika salasyndaǵy «Úrker-2020» ulttyq syilyǵynyń marapattaý rásimi bastaldy, dep habarlaidy QazAqparat.
Saltanatty jiyndy ashqan QR Aqparat jáne qoǵamdyq damý ministri Aida Balaeva bul marapattyń Astana Media Week jobasy aiasynda jasalǵanyn atap ótti.
«Úsh kúnge sozylǵan Astana Media Week jobasy halyqaralyq jýrnalistikanyń nazaryn elordamyzǵa aýdarǵan erekshe is-shara boldy. Búginde búkil álemdi ábigerge salǵan pandemiia jaǵdaiynda álem jýrnalisteri bir arnada toǵysyp, óz kásipterine degen adaldyqty kezekti ret dáleldep otyr. Onlain formattaǵy platformada álemniń 16 memleketiniń kórermenderi úshin 50-den astam halyqaralyq mediasarapshylar tájiribelerin bólisti. Jáne eń bastysy – bizdiń otandyq jýrnalistika deńgeii de álemdik básekege qabilettiligine kóz jetkizdik», - dedi ministr.
Qazaqstandyq platforma AQSh, Ulybritaniia, Shvetsiia, Saýd Arabiiasy, RF siiaqty mediaalpaýyt memleketterdiń aqparat keńistigine shyǵyp, paidaly kontentpen bólisti.
«Osyndai ortaq alańǵa ózara tájiribe almasyp, ozyq úlgilerdi úirený jýrnalistikanyń biliktiligin jetildirip, ony jańa deńgeige kóteretini anyq. Sonyń ishinde otandyq media salasynda odan ári damýyna úlken serpin beredi dep senemiz. «Úrker» ulttyq báigesiniń marapattaý rásimi Astana Media Week aptalyǵy aiasynda ótip otyr. Árine, biz úshin qoǵamdaǵy ár salanyń ózindik orny bar. Sonyń ishinde jýrnalistikanyń qoǵam úshin atqaryp otyrǵan eńbegi óte zor. Árbir eńbek laiyqty baǵasyn alýy kerek dep sanaimyz. Bizdiń búgingi sharamyz da osy nietpen ótkizilip otyr. Sondyqtan bizdiń ádil qazylar alqasy júzden júirik shyqqan shyn talanttarǵa laiyqty baǵasyn bergenine senimdimiz», - dedi A. Balaeva.
Sondai-aq, ministr biylǵy baiqaýdyń taǵy bir jańalyǵy – qazaq jýrnalistikasynyń jampozy Sherhan Murtahza atyna arnaiy nominatsiia taǵaiyndalǵanyn eske saldy.
«Sherhan aǵamyzdyń otandyq jýrnalistikany damytýǵa atqarǵan eńbegi men qosqan úlesi ólsheýsiz. Sondyqtan da, qazaq jýrnalistikasynyń asqar shyńy sanalatyn Sheraǵa atyndaǵy marapatqa ie bolý – kim-kim úshin de zor mártebe, biik jetistik dep bilemin», - dedi Aida Balaeva.
Atalǵan nominatsiia boiynsha músinshe men 1 million teńge syiaqyny belgili jýrnalist, pýblitsist Qainar Oljai jeńip aldy.
