Parlament Cenaty kórneki aqparat jáne dini qyzmet máseleleri týraly zań jobasyn eki oqylymda qarady, dep habarlaidy Sputnik Qazaqstan.
Bilim jáne ǵylym ministri Ashat Aiǵamabetovtiń aitýynsha, zań jobasynyń negizgi maqsaty – derektemeler men kórneki aqparat mátinderin orfografiia normalaryna sai jáne mátinderdiń túpnusqasyna sáikestigin saqtaý arqyly qatesiz jazý.
Jobada eldegi ákimshilik-aýmaqtyq birlikterdiń, fizika-geografiialyq obektilerdiń ataýyn jazýǵa qatysty normalar qarastyryldy. Alaida orys nemese basqa tilderde atalatyn eldi mekenderdiń ataýlary ózgermeidi, sol kúiinde jazylady.
"Mysaly, Michýrino aýyly sol kúii qalady, qazirgidei Michýrin aýyly dep ózgertilmeidi. Andreevka aýyly Andreev dep jazylmaidy. Monastyrskaia kóshesi Monastyr kóshesi dep aýdarylyp júr, endi ol Monastyrskaia dep ózgerissiz qalady. Máselen, Aqqýly degen aýyl bolsa, ony Lebiaje dep aýdarmai, sol kúii Aqqýly dep jazamyz. Oral qalasy "Ýralsk" emes, Oral qalasy retinde túpnusqamen jazylady", - dedi Aimaǵambetov.
Sondai-aq, onyń aitýynsha, jol belgileri de, Qazaqstan ratifikatsiialaǵan halyqaralyq sharttarda ózgeshe kózdelmegen jaǵdaida memlekettik tilde ǵana jazylady.
"Mysaly, Qyzylordadaǵy kishigirim aýylda ainalma jol degen belgi tursa, qoldanystaǵy zań boiynsha ony mindetti túrde "ainalma jol", "obezd" dep jazý kerek. Endi halyqaralyq jol bolmasa, týrister kelmese, tek qana qazaqtar turatyn shaǵyn aýylda tek bir tilde jazýǵa múmkindik berilip otyr. Al eger halyqaralyq jol bolsa, onda basqa tilderde jazý múmkindigi qalady", - dep túsindirdi vedomstvo basshysy.
Budan bólek, memlekettik emes uiymdardyń blankileri men mańdaishalary memlekettik tilde jazylady. Qajet bolǵan kezde basqa tilderde jazýǵa múmkindik beriledi.
Mundai norma habarlandyrý, jarnama, preskýranttar, baǵa kórsetkishteri, as mázirleri, basqa da kórneki aqparattarǵa qatysty.
"Zań jobasynda engizilgen ózgerister memlekettik tildiń qoldanys aiasyn keńeitýge jáne kórneki aqparattarǵa qatysty qatelerdi boldyrmaýǵa, ony aldyn alýǵa septigin tigizedi dep oilaimyz", - dedi Aimaǵambetov.
Parlament Cenaty zań jobasyna kórneki aqparatqa qatysty engizilgen túzetýlerdi maquldady. Alaida qujattyń dini qyzmetke arnalǵan bóligine birqatar ózgeris engizip, zań jobasyn májiliske keri qaitardy.
