Foto: Freepik
Ýniversitet oqytýshylarynyń jalaqysy kóterilýi múmkin. Bul týraly Parlament Májilisiniń Áleýmettik-mádeni damý komitetiniń basshysy Ashat Aimaǵambetov áleýmettik jelidegi paraqshasynda habarlady.
Ol komitet depýtattary respýblikalyq biýdjet jobasyna JOO oqytýshylarynyń jalaqysyn kóterýge qatysty túzetý engizgenin atap ótti.
"Áleýmettik-mádeni damý komiteti ýniversitet oqytýshylarynyń jalaqysyn kóterý boiynsha respýblikalyq biýdjettiń jobasyna arnaiy túzetýlerdi usyndy.
Memleket basshysy Qasym-Jomart Toqaev JOO-lardyń professor oqytýshylyq quramynyń jalaqysyn kóterý boiynsha Úkimetke birneshe ret tapsyrma berip edi.
Oqytýshylardyń jalaqysyn arttyrý úshin biýdjetten ár grantqa bólinetin qarajat kólemin kóbeitý kerek.
Sondyqtan túzetýlerimizge bailanysty Komitet depýtattary magistratýrada oqý boiynsha biýdjetten ýniversitetterge tólenetin granttyń qunyn eselep kóbeitýdi, al bakalavriattyń sommasyn tiisti paiyzǵa ósirý boiynsha qarajat bólý týraly naqty usynysty zań jobasyna bergen", - dep jazdy Ashat Aimaǵambetov.
Onyń sózinshe, atalǵan sheshimder boiynsha sońǵy núkte Májilistiń jalpy otyrysynda qoiylady. Sondai-aq bul qadamdar oqytýshylardyń jalaqysyn 40% deiin kóterýge múmkindik beredi.
