2017 jyldyń 11 qańtaryna deiin Ýniversiada-2017 oiyndaryna satyp alynǵan biletter arasynda ótkizilgen utys oiynnyń birinshi kezeńi aiaqtaldy. Baǵy janǵan 12 adam Ýniversiada uiymdastyrýshylarynan jáne Qysqy oiyndardyń resmi seriktesterinen baǵaly syilyqtardy almaq.
Ýniversiada-2017 utys oiynynyń birinshi kezeńinde utqan biletterdiń tizimi 2017 jyly Almatyda ótetin 28-shi Dúniejúzilik qysqy ýniversiadanyń resmi saitynda jáne Facebook paraqshasynda (https://www.facebook.com/Almaty2017WU/?fref=ts) jariialandy.
Uiymdastyrýshylardyń habarlaýynsha, utystardy alý úshin 28-shi Dúniejúzilik qysqy ýniversiada Direktsiiasyna kelesi mekenjai boiynsha habarlasý qajet: Almaty q., Baizaqov k., 280, soltústik munara nemese 8 (727) 313 23 25 telefonyna qońyraý shalýǵa bolady.
Esterińizge salyp óteiik, 2016 jyldyń 20 jeltoqsanynda bastalǵan júldelerdiń utys oiyny eki kezeńde ótkiziledi. Ýniversiada aiasyndaǵy sporttyq oqiǵalarǵa bilet satyp alǵan jasy 18-den asqan kez kelgen QR azamaty utys oiynǵa qatysa alady. Utys oiyn satyp alynǵan bilettiń biregei toǵyz tańbadan turatyn nómirine qarap ótkiziledi. Shaqyrý biletteri jáne quny joq biletter utys oiynǵa qatysa almaidy.
2017 jyldyń 08 aqpanyna deiin satyp alynǵan biletterdiń barlyǵy utys oiynnyń ekinshi kezeńine qatysady. Ekinshi kezeńde Sapporodaǵy Aziia oiyndaryna 2 saiahat, sondai-aq, «Bazis-A» korporatsiiasynyń usynyp otyrǵan sýper júldesi – «ALMALY» turǵyn aýdanynda ornalasqan eki bólmeli páter utysqa salynady.
«ALMALY» turǵyn aýdany «BAZIS» qurylys kompaniiasy salǵan Ýniversiadanyń bas nysany - Almaty Arena muz saraiynyń qarsy jaǵynda ornalasqan. «BAZIS-A Korporatsiiasy» JShS basqarma tóraǵasy Pavel Belovich «Almaty Arena» muz saraiyn salyp jatqan kezdiń ózinde osy aýdannyń damý keleshegi joǵary dep baǵalanǵanyn atap ótti.
- Almaty Arena muz saraiyn salyp jatqan kezdiń ózinde biz damyp jatqan aýdannyń áleýetin baiqap, Ýniversiada bas nysanynyń qarsy jaǵynda jańa ári jaily «ALMALY» turǵyn aýdanyn salý jóninde sheshim qabyldadyq. Onyń ústine, halyqaralyq jarystarǵa bilet satyp alǵandar arasyndaǵy utys oiyn kezinde bas júlde retinde «ALMALYDAǴY» páterdi usyný airyqsha mánge ie bolady dep eseptedik, - deidi Pavel Belovich.
Ýniversiada ótkizilgen soń almatylyqtar jáne «Almalynyń» turǵyndary Almaty Arena muz saraiynda hokkeimen jáne mánerlep syrǵanaýmen qatar, júzý, kórkem gimnastika, boks, kúres sekildi taǵy da basqa kóptegen sport túrlerimen shuǵyldana alatyn bolady.
Ýniversiada-2017 oiyndaryna biletterdi almaty2017.kz, ticketon.kz, kassir.kz, fisutickets.com saittarynda, sondai-aq, Almaty jáne Astana qalalarynyń kassalarynda satyp alýǵa bolady. Kassalardyń mekenjaiy týraly kelesi silteme arqyly tolyǵyraq bilýge bolady: http://kassir.kz/universiade/kassy-u
