Ýniversiada arqasynda megapolistiń Alataý aýdany ary qarai damýǵa múmkindik alyp otyr. Nátijesinde Alataý aýdany búginderi qala qonaqtary men turǵyndaryn ózine tartyp otyrǵan jańa ortalyqqa ainalýda. Osynda Ýniversiada bas nysandary - «Almaty Arena» jáne Atletter aýyly ornalasqan. Qazirdiń ózinde «Almaty arena» aýqymdy kontsertterdi («Almatynyń 25 shyńy» atty gala-kontsert, Qairat Nurtastyń, Filipp Kirkorovtyń jáne t.b. ártisterdiń kontsertteri) ótkizý úshin paidalanylyp otyr. Ústimizdegi jyldyń 24 sáýirinde fýtzaldan ÝEFA-nyń «Tórttiktiń finaly» ótedi dep josparlanýda.
Alataý aýdanynda boi kótergen turǵyn úi keshenderine qosa, osynda emhana, sýpermarket, bank bólimsheleri men pochta, politsiia beketi qyzmet jasaityn bolady.
Qalamyzdyń mádeni jáne sáýlettik kórnekti oryndarynyń birine ainalýy tiis 7000 adamdy syidyra alatyn meshit te salynady dep josparlanyp otyr. Bolashaq turǵyndar men qala qonaqtary úshin qazaq taǵamdaryn daiyndaityn meiramhana, ulttyq aspaptar mýltimedialyq murajaiy, «Alataý» dástúrli óner teatry, qolónershilerdiń kádesyilaryn satý ortalyǵy óz jumystaryn jalǵastyrady. Atletter aýylynda 100-ge jýyq qolóner sheberine arnap ortalyq qurylady. Oiyndar aiaqtalǵan soń, Alataý aýdanynyń kásiporyndary zamanaýi jaily keńselerge jaiǵasýǵa múmkindik alady. Keńselerdi jaldaý quny qala ishindegi baǵadan 2 esege arzanyraq bolmaq.
Sondai-aq, aýdandy abattandyrý jáne jasyldandyrý boiynsha aýqymdy jumystar júrgizildi. Máselen, Úlken Almaty arnasy qaita qurylyp, Boraldai ózeniniń jaǵalaýy nyǵaityldy, 3 skver, saiabaq jáne saiajol abattandyryldy. «Almaty Arena» skverleri qazirdiń ózinde zamanaýi sýarý júielerimen jabdyqtalǵan.
Qala biligi turǵyndar sanynyń turaqty túrde ósip otyrǵanyn atap ótýde. Atap aitqanda, Alataý aýdanyndaǵy turǵyndar kólemi bir jarym esege ulǵaiyp, qazir munda 200 myńnan asa adam turyp jatyr.
"Ult aqparat"
