ۋنيۆەرسيادا ارقاسىندا مەگاپوليستٸڭ الاتاۋ اۋدانى ارى قاراي دامۋعا مٷمكٸندٸك الىپ وتىر. نەتيجەسٸندە الاتاۋ اۋدانى بٷگٸندەرٸ قالا قوناقتارى مەن تۇرعىندارىن ٶزٸنە تارتىپ وتىرعان جاڭا ورتالىققا اينالۋدا. وسىندا ۋنيۆەرسيادا باس نىساندارى - «الماتى ارەنا» جەنە اتلەتتەر اۋىلى ورنالاسقان. قازٸردٸڭ ٶزٸندە «الماتى ارەنا» اۋقىمدى كونتسەرتتەردٸ («الماتىنىڭ 25 شىڭى» اتتى گالا-كونتسەرت, قايرات نۇرتاستىڭ, فيليپپ كيركوروۆتىڭ جەنە ت.ب. ەرتٸستەردٸڭ كونتسەرتتەرٸ) ٶتكٸزۋ ٷشٸن پايدالانىلىپ وتىر. ٷستٸمٸزدەگٸ جىلدىڭ 24 سەۋٸرٸندە فۋتزالدان ۋەفا-نىڭ «تٶرتتٸكتٸڭ فينالى» ٶتەدٸ دەپ جوسپارلانۋدا.
الاتاۋ اۋدانىندا بوي كٶتەرگەن تۇرعىن ٷي كەشەندەرٸنە قوسا, وسىندا ەمحانا, سۋپەرماركەت, بانك بٶلٸمشەلەرٸ مەن پوچتا, پوليتسييا بەكەتٸ قىزمەت جاسايتىن بولادى.
قالامىزدىڭ مەدەني جەنە سەۋلەتتٸك كٶرنەكتٸ ورىندارىنىڭ بٸرٸنە اينالۋى تيٸس 7000 ادامدى سىيدىرا الاتىن مەشٸت تە سالىنادى دەپ جوسپارلانىپ وتىر. بولاشاق تۇرعىندار مەن قالا قوناقتارى ٷشٸن قازاق تاعامدارىن دايىندايتىن مەيرامحانا, ۇلتتىق اسپاپتار مۋلتيمەديالىق مۇراجايى, «الاتاۋ» دەستٷرلٸ ٶنەر تەاترى, قولٶنەرشٸلەردٸڭ كەدەسىيلارىن ساتۋ ورتالىعى ٶز جۇمىستارىن جالعاستىرادى. اتلەتتەر اۋىلىندا 100-گە جۋىق قولٶنەر شەبەرٸنە ارناپ ورتالىق قۇرىلادى. ويىندار اياقتالعان سوڭ, الاتاۋ اۋدانىنىڭ كەسٸپورىندارى زاماناۋي جايلى كەڭسەلەرگە جايعاسۋعا مٷمكٸندٸك الادى. كەڭسەلەردٸ جالداۋ قۇنى قالا ٸشٸندەگٸ باعادان 2 ەسەگە ارزانىراق بولماق.
سونداي-اق, اۋداندى اباتتاندىرۋ جەنە جاسىلداندىرۋ بويىنشا اۋقىمدى جۇمىستار جٷرگٸزٸلدٸ. مەسەلەن, ٷلكەن الماتى ارناسى قايتا قۇرىلىپ, بورالداي ٶزەنٸنٸڭ جاعالاۋى نىعايتىلدى, 3 سكۆەر, ساياباق جەنە ساياجول اباتتاندىرىلدى. «الماتى ارەنا» سكۆەرلەرٸ قازٸردٸڭ ٶزٸندە زاماناۋي سۋارۋ جٷيەلەرٸمەن جابدىقتالعان.
قالا بيلٸگٸ تۇرعىندار سانىنىڭ تۇراقتى تٷردە ٶسٸپ وتىرعانىن اتاپ ٶتۋدە. اتاپ ايتقاندا, الاتاۋ اۋدانىنداعى تۇرعىندار كٶلەمٸ بٸر جارىم ەسەگە ۇلعايىپ, قازٸر مۇندا 200 مىڭنان اسا ادام تۇرىپ جاتىر.
"ۇلت اقپارات"
