Qysqy Ýniversiada-2017 aiasyndaǵy jarys kúnderi «Shymbulaq» taý-shańǵy shipajaiyndaǵy «Medeý-Shymbulaq» gondoldy jolymen júrý jarystarǵa bilet satyp alǵandar úshin tegin bolmaq.
«Shymbulaq» taý-shańǵy shipajaiynda kelesi distsiplinalarda jarystar ótedi: slalom, qatarlas slalom, slalom-gigant, qatarlas slalom-gigant, sýper-gigant, kombinatsiia (sýpergigant, slalom), shańǵy krosy, snoýbord-kross, sloýpstail, juptyq mogýl.
Osy jarystarǵa bilet satyp alǵandardyń barlyǵy gondol stansasynda vagonshaǵa otyratyn kezde biletin kórsetken jaǵdaida, gondol jolyn tegin qoldana alady.
Ýniversiadanyń direktsiia ókilderi jarystarǵa arnalǵan bilet sany shekteýli ekenin atap ótýde, sondyqtan asa áserli saiystardy kórem deýshiler biletterdi tezdetip satyp alǵany jón.
Almatylyqtar men qala qonaqtary Ýniversiada jarystaryna biletterdi B. Sholaq atyndaǵy Sport jáne mádeniet saraiy, Memlekettik tsirk, Respýblika saraiy, sondai-aq, «Meloman» jelisiniń kassalarynda satyp ala alady. Sondai-aq, biletterdi onlain arqyly almaty2017.com, fisuticket.com jáne kassir.kz. saittary satady.
Ýniversiadaý-2017 jarystaryna satylatyn biletterdiń negizgi baǵasy 300 teńgeden bastap 3500 teńgege deiin. Al Ýniversiadanyń ashylý saltanattaryna arnalǵan bilet quny 5000 teńgeden bastalyp, 15000 teńgege deiin jetedi.
