2017 jylǵy Almatydaǵy 28-shi Dúniejúzilik qysqy ýniversiadany daiyndaý jáne ótkizý jónindegi direktsiia «RGBrands Kazakhstan» kompaniiasymen yntymaqtastyq týraly mámilege qol qoidy. Atalǵan mámile asynda kompaniia Ýniversiada sportshylaryn, eriktilerin, tóreshilerin, bapkerlerin, baspasóz ben basqa da qatysýshylardy ystyq shaimen qamtamasyz etý úshin «Piala Gold» qara jáne kók shaiyn, sondai-aq, 100% tabiǵi ýltrapasterlengen «MOIo» sútiniń 14 myń litrin usynady. Usynylǵan ónimderden 700 000 kese sútti shai daiyndalady dep kútilýde.
«Qazaqstan turǵyndary shaidy asa jaqsy kóretin bes eldiń qataryna kiredi. Shai – elimizdiń dástúrinde erekshe oryn alatyn sýsyn. Biz Ýniversiadanyń qysqy sýyq kúnderi qonaqtarymyz tula boidy jylytyp, sergektik syilaityn, jarystar arasyndaǵy úziliste erekshe rahatqa bóleitin qazaqtyń qoiý qara shaiynan dám tatyp kórse deimiz. Bizdiń ónimderimizdiń árqaisysy óz aldyna erekshe, al osy is-shara aiasynda bizdiń ónimderimiz dámi til úiiretin, altyn medalge laiyqty ystyq sútti shai túrinde usynylady», - dep atap ótti «RGBrands Kazakhstan» JShS bas direktory Timýr Qaltaev
Osyǵan deiin habarlanǵandai, Ýniversiadanyń uiymdastyrý komiteti Oiyndardy ótkizýge barynsha az biýdjettik qarjyny jumsaýdy óz aldyna mindet etip qoidy. Josparlanǵan biýdjet daiyndyq barysynda eki esege deiin derlik qysqartyldy, al biznes ókilderi qatarynan demeýshiler men seriktesterdi tartýdyń arqasynda kezektegi birqatar shyǵyndardy tómendetýge múmkindik paida boldy.
«Asa aýqymdy sport is-sharalaryn ótkizý kezinde seriktester men demeýshilerdi tartý – búkil álemde keń taralǵan tájiribe, ol bizneske biregei marketingtik múmkindikterge jol ashyp, uiymdastyrýshylarǵa shyǵyndardy aitarlyqtai ońtailandyrýǵa múmkindik beredi. Ýniversiadanyń sátti ótýi úshin qosylǵan kez kelgen úles asa mańyzdy, sondyqtan biz osy aitýly oqiǵanyń daiyndyǵyna biznestiń belsendi atsalysyp otyrǵanyn quptaimyz», - dep basa atap ótti
«2017 jylǵy Almatydaǵy 28-shi Dúniejúzilik qysqy ýniversiadany daiyndaý jáne ótkizý jónindegi direktsiia» MQ Apparat basshysy Saǵadiev Didar Rishatuly.
