2017 جىلعى الماتىداعى 28-شٸ دٷنيەجٷزٸلٸك قىسقى ۋنيۆەرسيادانى دايىنداۋ جەنە ٶتكٸزۋ جٶنٸندەگٸ ديرەكتسييا «RGBrands Kazakhstan» كومپانيياسىمەن ىنتىماقتاستىق تۋرالى مەمٸلەگە قول قويدى. اتالعان مەمٸلە اسىندا كومپانييا ۋنيۆەرسيادا سپورتشىلارىن, ەرٸكتٸلەرٸن, تٶرەشٸلەرٸن, باپكەرلەرٸن, باسپاسٶز بەن باسقا دا قاتىسۋشىلاردى ىستىق شايمەن قامتاماسىز ەتۋ ٷشٸن «پيالا Gold» قارا جەنە كٶك شايىن, سونداي-اق, 100% تابيعي ۋلتراپاستەرلەنگەن «مويو» سٷتٸنٸڭ 14 مىڭ ليترٸن ۇسىنادى. ۇسىنىلعان ٶنٸمدەردەن 700 000 كەسە سٷتتٸ شاي دايىندالادى دەپ كٷتٸلۋدە.
«قازاقستان تۇرعىندارى شايدى اسا جاقسى كٶرەتٸن بەس ەلدٸڭ قاتارىنا كٸرەدٸ. شاي – ەلٸمٸزدٸڭ دەستٷرٸندە ەرەكشە ورىن الاتىن سۋسىن. بٸز ۋنيۆەرسيادانىڭ قىسقى سۋىق كٷندەرٸ قوناقتارىمىز تۇلا بويدى جىلىتىپ, سەرگەكتٸك سىيلايتىن, جارىستار اراسىنداعى ٷزٸلٸستە ەرەكشە راحاتقا بٶلەيتٸن قازاقتىڭ قويۋ قارا شايىنان دەم تاتىپ كٶرسە دەيمٸز. بٸزدٸڭ ٶنٸمدەرٸمٸزدٸڭ ەرقايسىسى ٶز الدىنا ەرەكشە, ال وسى ٸس-شارا اياسىندا بٸزدٸڭ ٶنٸمدەرٸمٸز دەمٸ تٸل ٷيٸرەتٸن, التىن مەدالگە لايىقتى ىستىق سٷتتٸ شاي تٷرٸندە ۇسىنىلادى», - دەپ اتاپ ٶتتٸ «RGBrands Kazakhstan» جشس باس ديرەكتورى تيمۋر قالتاەۆ
وسىعان دەيٸن حابارلانعانداي, ۋنيۆەرسيادانىڭ ۇيىمداستىرۋ كوميتەتٸ ويىنداردى ٶتكٸزۋگە بارىنشا از بيۋدجەتتٸك قارجىنى جۇمساۋدى ٶز الدىنا مٸندەت ەتٸپ قويدى. جوسپارلانعان بيۋدجەت دايىندىق بارىسىندا ەكٸ ەسەگە دەيٸن دەرلٸك قىسقارتىلدى, ال بيزنەس ٶكٸلدەرٸ قاتارىنان دەمەۋشٸلەر مەن سەرٸكتەستەردٸ تارتۋدىڭ ارقاسىندا كەزەكتەگٸ بٸرقاتار شىعىنداردى تٶمەندەتۋگە مٷمكٸندٸك پايدا بولدى.
«اسا اۋقىمدى سپورت ٸس-شارالارىن ٶتكٸزۋ كەزٸندە سەرٸكتەستەر مەن دەمەۋشٸلەردٸ تارتۋ – بٷكٸل ەلەمدە كەڭ تارالعان تەجٸريبە, ول بيزنەسكە بٸرەگەي ماركەتينگتٸك مٷمكٸندٸكتەرگە جول اشىپ, ۇيىمداستىرۋشىلارعا شىعىنداردى ايتارلىقتاي وڭتايلاندىرۋعا مٷمكٸندٸك بەرەدٸ. ۋنيۆەرسيادانىڭ سەتتٸ ٶتۋٸ ٷشٸن قوسىلعان كەز كەلگەن ٷلەس اسا ماڭىزدى, سوندىقتان بٸز وسى ايتۋلى وقيعانىڭ دايىندىعىنا بيزنەستٸڭ بەلسەندٸ اتسالىسىپ وتىرعانىن قۇپتايمىز», - دەپ باسا اتاپ ٶتتٸ
«2017 جىلعى الماتىداعى 28-شٸ دٷنيەجٷزٸلٸك قىسقى ۋنيۆەرسيادانى دايىنداۋ جەنە ٶتكٸزۋ جٶنٸندەگٸ ديرەكتسييا» مق اپپارات باسشىسى ساعاديەۆ ديدار ريشاتۇلى.
