Jeksenbi, 14 shildede Neapolde Dúniejúzilik Ýniversiadanyń jabylý rásimi ótti. Qazaqstan quramasy jeti medal jeńip aldy, dep habarlaidy "Ult aqparat" Olympic.kz saityna silteme jasap.
Ýniversiadanyń sońǵy kúni final jáne erler arasynda sý dobynan úshinshi oryn úshin jarys ótedi. «Altyn» medalǵa Italiia men AQSh talassa, «qola» medal úshin ótetin kezdesýde Resei men Vengriia quramalary baq synaspaq.
Ýniversiadaǵa Qazaqstan quramasy 94 sportshymen baryp, jeti medal ielendi. Jalǵyz «altyndy» dziýdoshy Ǵalymjan Qyryqbai jeńip aldy.
Ol absoliýtti salmaq dárejesinde kúsh synasyp, birinshi boldy. Bizdiń sportshylar bes ret ekinshi oryn aldy. Kúmis medaldardy gimnastshy Nariman Qurbanov pen Milada Karimi, jeńil atletshi Mihail Litvin, taekvondoshy Smaiyl Dúisebai (87 kelige deiin) jáne Zoia Kravchenko (stendtik atý) ielendi.
Sársenkúl Rysbekova (stendtik atý) úshinshi oryn aldy. Qazaqstan medaldar sany boiynsha 25 orynda. Erler arasynda sý doby jarysy bul kórsetkishke áser etpeidi.
Aita keteiik, byltyrǵy Ýniversiadada (Taibei-2017) qazaqstandyq sportshylar úsh «altyn», alty kúmis jáne jeti qola júlde ielengen edi. Altyn medalder sany boiynsha eń úlken kórsetkish 2015 jyly Kvandjýda (alty) tirkeldi.
