Almatyda ótip jatqan 28-shi qysqy Ýniversiada oiyndarynda qazaqstandyq taý shańǵyshysy Ivan Liýft altynshy altyndy qorjynǵa saldy, dep habarlaidy Massaget.kz.
Qazaqstandyq sportshy básekeniń finaldyq kezeńine qosymsha joldama («laki lýzer») arqyly shyǵyp, 3:53.60 minýt kaqyt kórsetkishimen altyn júldeni jeńip aldy.
Bul synda ekinshi jáne úshinshi oryndardy reseilik sportshylar Vladimir Frolov (3:54.30) pen Egor Berezin (3:54.57) ielendi.
Taý shyńǵysynan finalǵa shyqqan ekinshi qazaqstandyq sportshy Oljas Klimin (3:54.93) - tórtinshi, al Aleksandr Malyshev (4:20.57) altynshy orynǵa jaiǵasty.
Taý-shańǵy sportynan áielder arasyndaǵy jarysta da jerlesterimiz júldegerler qatarynan kórindi. Sprinttik synda Anna Stoian qola júldeger atandy.
Aita keteiik, Ýniversiadanyń tórtinshi kúni qazaqstandyq sportshylar úshin sátti ótti. Biatlonnan sprinttik synda - Galina Vishnevskaia, fristaildyń mogýl túrinen Dmitrii Reihard (erler) men Iýliia Galysheva (áielder) jeńis tuǵyrynan kórindi. Sondai-aq biatlonnan erler arasyndaǵy 10 shaqyrymdyq sprintte Roman Eremin qola júldege qol jetkizdi.
