Qysqy ýniversiada sportshy stýdentterdiń qatysýymen kóptegen sport túrleri boiynsha ótkiziletin, 11 kúnge sozylatyn eń iri jarys. Almatydaǵy 28-shi Dúniejúzilik qysqy ýniversiadaǵa eki myńǵa jýyq sportshy qatysyp, 12 sport túrinde 85 medal jiyntyǵy sarapqa salynady.
Qysqy ýniversiadaǵa joǵary deńgeidegi jarystarda medalderdi jeńip alǵan álemniń kóptegen sportshylary qatysatyndyqtan, medal úshin kúres qyzý ótedi dep kútilýde. Sondai sportshylardyń qatarynda kelesi esimderdi ataýǵa bolady: 2014 jylǵy Olimpiada chempiony jáne short-trekten álemniń eki dúrkin chempiony Kim Alanga (Ońtústik Koreia); tramplinnen sekirý boiynsha 2014 jylǵy Olimpiada oiyndarynyń qatysýshysy, Ýniversiadanyń eki dúrkin chempiony (2013 jáne 2015 j.) Maksimochkin Mihail (Resei); biatlonnan 2012 jylǵy jasóspirimder arasyndaǵy qysqy oiyndardyń chempiony Kim Cheoliýng (Ońtústik Koreia); fristaildan 2015 jylǵy Ýniversiada chempiony Kýcherova Nikol (Chehiia); Aziia oiyndarynyń kúmis júldegeri (2011 j.), 2012 jylǵy jasóspirimder arasyndaǵy álem chempiony (1500m, 3000m ), 2013 jylǵy ýniversiada chempiony Hvang Hiýn-San (Ońtústik Koreia); biatlonnan Álem kýbogy kezeńiniń eki dúrkin chempiony Batist Jýti (Frantsiia); tramplinnen sekirý boiynsha 2014 jylǵy jasóspirimder arasyndaǵy álem chempiony, 2013 jylǵy jasóspirimder arasyndaǵy álemniń komandalyq júldegeri Kshishtof Biegýn; taý-shańǵy sportynan 2016 jylǵy eki dúrkin chempion (FIS Race) Bialobrazskii Dominik (Polsha); short-trekten 2014 jylǵy jasóspirimder arasyndaǵy álem chempiony, 2015 jylǵy Ýniversiada chempioy Chen Gýang (Qytai) jáne t.b. Sondai-aq, Ýniversiada-2017 jarystaryna mánerlep syrǵanaýdan eń myqty komanda - Resei quramasy, sonyń ishinde 2015 jylǵy Eýropa chempiony jáne álem chempiony Elizaveta Týktamysheva qatyspaq.
Óz elimizde ótetin Ýniversiadaǵa qatysý úshin Qazaqstannyń eń myqty 175 sportshysy daiyndyq júrgizýde. Qazaqstan quramasynyń favoritteri qatarynda kelesi esimderdi ataýǵa bolady: Denis Ten (mánerlep syrǵanaý), Iýliia Galysheva (fristail), Pavel Kolmakov (fristail), Janbota Aldabergenova (fristail), Roman Krech (konkimen júgirý sporty), Stanislav Palkin (konkimen júgirý sporty), Aidar Bekjanov (short-trek), Abzal Ájǵaliev (short-trek), Nurbergen Jumaǵaziev (short-trek), Denis Nikisha (short-trek) jáne t.b. Qazaqstannyń bes dúrkin chempiony, mánerlep syrǵanaýshy Denis Ten de birneshe joǵary marapattardyń, atap aitqanda, 2014 jylǵy Qysqy Olimpiada oiyndarynyń qola medali, 2013 jylǵy mánerlep syrǵanaýdan Álem chempionatynyń kúmis medali, 2015 jylǵy álem chempionatynyń qola medali jáne t.b. marapattardyń iegeri bolyp tabylady.
Jalpy alǵanda Almatydaǵy 2017 jylǵy Ýniversiada qatysýshylary arasynda kelesi ataqtardy ielengen sportshylar bar:
- Jasóspirimder arasyndaǵy Olimpiada oiyndarynyń 3 chempiony jáne 1 qola júldegeri;
- Jasóspirimder arasyndaǵy álem chempionatynyń 11 chempiony jáne 6 júldegeri;
- Qysqy ýniversiadalardyń 6 chempiony;
- FIS qysqy starttarynyń jáne Álem kýbogy kezeńderiniń 20 chempiony jáne júldegeri.
Chempiondar ózderi qatysatyn sport túrlerinde airyqsha qabiletterin kórsetý úshin aldyna jan salmai kúrespek. Eń bastysy, sportta endi-endi oiyn kórsetip bastaǵan oiynshylar úshin osyndai deńgeidegi sportshylarmen kúreske túsý úlken syn ári joǵarǵy qurmetke ainalmaq, sondai-aq, joǵary ataqtardy ielengen sportshylar olarǵa joǵary biikterge jol kórsetken «shamshyraq» bolmaq. Demek 2017 jyly Almatyda ótetin Qysqy oiyndar sport álemine jańa jarqyn esimderdi syilaýy ábden múmkin.
