Qazaqstan Baspasóz klýbynda 2017 jylǵy Qysqy ýniversiadaǵa daiyndyq barysy jáne elimizde buqaralyq sporttyń damýy týraly jariialanǵan eń úzdik material úshin Qazaqstan Respýblikasy jýrnalisteri arasyndaǵy baiqaý jeńimpazdaryn marapattaý saltanaty ótti.
Baiqaýǵa barlyǵy 149 ótinim kelip túsken bolatyn. Qazylar alqasy Ýniversiadanyń daiyndyq kezeńi týraly BAQ betterinde kóptegen materialdar jariialanǵanyn atap ótti. Jumystardy baǵalaý kezinde qazylar alqasy avtorlardyń is-sharany jan-jaqty qarastyra otyryp habar taratqanyna, sondai-aq, jariialanymdardyń ózektiligi men aiǵaqtylyǵyna mán berdi.
Baiqaýdyń kelesi qatysýshylary jeńimpaz atandy:
1. «Baspa BAQ betterindegi eń úzdik jariialanym» atalymynda materialdar toptamasy úshin:
- Iýrii Lifintsev, «Kazahstanskaia pravda» respýblikalyq gazetiniń jýrnalisi;
- Ǵalym Súleimenov, «Aiqyn» respýblikalyq gazetiniń jýrnalisi .
2. «Eń úzdik televiziialyq siýjet» atalymynda Ýniversiada-2017 is-sharasyna arnalǵan siýjet avtorlary:
- Maqsat Erjan «Qazaqstan» RTRK «Aitýǵa ońai» baǵdarlamasy úshin;
- Serik Sultanǵaziev «NTK» telearnasyndaǵy «Reviý» baǵdarlamasy úshin.
3. «Eń úzdik radiomaterial» atalymynda:
- Maqsat Aidabolov «Avtoradio» jańalyqtaryndaǵy «Ýniversiada-2017» aidaryndaǵy baǵdarlama toptamasy úshin;
- Tatiana Raý – «NS» radiosyndaǵy «Ogni bolshogo goroda» baǵdarlamasy úshin.
4. «Áleýmettik jelilerdegi eń úzdik jariialanym» atalymynda:
- Albert Ahmetov Yvision.kz portalyndaǵy jariialanymdar toptamasy úshin;
- Bek Tóleýov Baq.kz saityndaǵy jariialanymdar toptamasy úshin.
5. «Aqparattyq agenttikterdegi eń úzdik jariialanym» atalymynda is-shara týraly keshendi ári shyǵarmashylyq turǵyda habar taratqany úshin:
- Ainash Hametjanova, «Tengrinews» aqparattyq agenttigi;
- Aqsáýle Ábitai, «7kun.kz» aqparattyq agenttigi.
6. «Óńirlik BAQ betterindegi eń úzdik jariialanym» atalymynda:
- Ǵabit Saparbekov, «Ońtústik Qazaqstan» gazeti;
- Asqar Aǵataev, «Ogni Mangystaý» gazeti.
Baiqaýǵa belsendi qatysqany úshin Marina Pestriakova («Vechernii Almaty» gazeti), Seiithan Amankeldi («Qazaqstan» TRK), Aitpai Jandos («Habar» TRK) jáne Erqanat Kópjasaruly («Qazaq radiosy») alǵys hatpen marapattaldy.
"Turǵyndardyń sportshylarymyzdyń jetistikteri týraly habardar bolýy buqaralyq aqparat quraldarynyń kásibi deńgeii men jumys tiimdiligine táýeldi, osylaisha búgingi sportshylarymyzdy úlgi tutatyn bolashaq chempiondar legi ósip tárbielenedi", - dep atap ótti 2017 jylǵy Almatydaǵy 28-shi Dúniejúzilik qysqy ýniversiadaǵa daiyndalý jáne ótkizý jónindegi direktsiia basshysy Nail Nýrov baiqaý jeńimpazdaryn quttyqtai otyryp.
