2017 jyly Almatyda 28-shi Dúniejúzilik qysqy ýniversiadany ótkizý kezinde sporttyq obekter trassalardaǵy qar kólemi jaǵynan tapshylyq kórmeidi. Almatyda Ýniversiadany ótkizý jónindegi direktsiia qar tapshylyǵymen bailanysty týyndaýy múmkin qiyndyqtardy sheshý úshin birneshe jospardy daiyndap qoidy.
Aldaǵy kele jatqan Ýniversiada kezinde 4 sporttyq obekt qardyń jetkilikti mólsherimen qamtamasyz etilýi tiis. Olar – «Alataý» shańǵy-biatlon kesheni, «Tabaǵan» kesheni», «Shymbulaq» taý-shańǵy shipajaiy jáne «Suńqar» halyqaralyq tramplinder kesheni. Direktsiia sporttyq obekterdi qarmen qamtamasyz etetin qoldanystaǵy júieni jańǵyrtty. Oǵan qosa, obekterde sý berý jáne tazartý júieleri jańartylyp, gidranttar, sorǵylar jáne jasandy qardy jasap shyǵaratyn arnaiy zeńbirek ornatyldy. Qabyldanǵan sharalar jetkiliksiz bolǵan jaǵdaida, máseleni sheshýdiń taǵy bir joly qarastyrylyp qoiylǵan.
«Tipten jyly aýa-raiy bolatyn bolsa, bizde «S» josparymyz bar, iaǵni qardy mańaidaǵy taýly jerlerden jetkizetin bolamyz. «Alataý» keshenine 50 myń tekshe metr, iaǵni biatlon trassasyna 30 myń jáne shańǵy trassasyna 20 myń tekshe metr qar qajet ekenin qazir eseptep qoidyq. Qansha ret reis jasaitynymyz belgili, oblys ákimdigimen birge kezdesýler ótkizilip, «S» josparyn oryndaý úshin naqty baǵdarlamalar belgilengen. Qar jinaityn oryndar, onyń kólemi, qorlar anyqtalyp, qardy qalai jetkizý qajet ekendigin kórsetetin jol kartasy daiyndaldy. Muqiiat, jan-jaqty júrgizilgen búkil daiyndyq jumystaryn eskere otyryp, jaǵdai ońynan sheshiledi dep úmittenemiz. Ýniversiada kezinde, qalai bolǵanda da, obekterdiń barlyǵy qarmen qamtamasyz etiletindigine senimdimin», - dedi «Almatydaǵy 2017 jylǵy 28-shi Dúniejúzilik qysqy ýniversiadaǵa daiyndalý jáne ótkizý jónindegi direktsiia» basshysynyń orynbasary Nurjan Ábilqaiyr.
Sinoptikterdiń boljamy boiynsha Almatyda aqpannyń basynda aýa-raiy jyly bolady dep kútilýde. Shańǵy-biatlon kesheninde qar tapshylyǵy sezilýi múmkin bolsa, tramplinder kesheninde qar jetkilikti mólsherde bolady.
«Biz Ýniversiada jarystary úshin qardy daiyndap qoidyq. Bizdiń obektegi qarmen qamtamasyz etý júiesi qardy tolyǵymen daiyndady, sondai-aq, qardyń saqtaýly qory da bar. Bizde qar aitarlyqtai jetkilikti mólsherde bar, ony qosymsha tasyp jatý qajet emes», - dedi «Suńqar» halyqaralyq shańǵy tramplinder kesheniniń direktory Rýslan Qańtarbaev.
Aita ketsek, 28-shi Búkilálemdik qysqy ýniversiada 2017 jyldyń 29 qańtarynan bastap 8 aqpany aralyǵynda Almatyda ótedi. Qysqy ýniversiada baǵdarlamasyna mánerlep syrǵanaý, short-trek, taý shańǵysy, snoýbord, biatlon, shańǵymen jarysý, shaibaly hokkei (áielder men erler arasyndaǵy), kerling, shańǵymen tramlinnen sekirý, shańǵy qossaiysy, konkimen júgirý sporty, fristail sekildi 12 sport túri kirgen. Jarystarǵa 2 myńǵa jýyq sportshy qatysady dep kútilýde. Ýniversiada ótkiziletin ýaqytta 3 myń erikti, onyń ishinde sheteldik eriktiler atsalysady.Stýdentter arasyndaǵy sport oiyndaryna 30 myńǵa jýyq otandyq jáne sheteldik týrist keledi dep kútilýde. Saiystardy álemniń 80 elindegi 1 mlrd. adam teledidar arqyly tamashalamaq.
