Almatyda 28-shi Dúniejúzilik qysqy Ýniversiadanyń alǵashqy jarys kúni aiaqtaldy. Bul týraly prosports.kz jazdy.
Dodanyń birinshi kúnin xokkeishiler ashty. Ýniversiadada xokkeiden erler arasynda ótken alǵashqy matchta Slovakiia men Ulybritaniia quramalary kezdesti.«Halyq Arena» alańynda ótken oiyn 9:0 esebimen Slovakiianyń jeńisimen aiaqtaldy. Ekinshi kezdesý - S tobynda Latviia Japoniianyń mysyn basty - 4:3. Keshke «Halyq Arena» muz alańynda Qazaqstan men Qytai komandalary ózara myqtyny anyqtady. Qazaqstannyń xokkeiden stýdentter quramasy QHR qaqpasyna 22 gol saldy.
Áielder arasyndaǵy synda A tobyndaǵy eki kezdesý ótti. Balýan Sholaq stadionynda aldymen Kanada men Qytai quramalary kezdesken bolatyn. Match 9:1 esebimen aiaqtalyp, kanadalyq qurama jeńiske jetti. Sodan keiingi kezdesýde Qazaqstan komandasy Ulybritaniiany 11:0 esebimen oisyratyp saldy. Bul oiynda Bulbul Qartanbaeva men Karina Felzink qarsylastar qaqpasyna eki shaibadan soqty. Sonymen qatar búgin «Medeý» muz aidynynda konki sportynan jattyǵýlar ótti. Al «Alataý» kesheninde shańǵyshylar trassany synap kórdi. Aita keteiik, 29 qańtarda «Almaty Arena» stadionynda saǵat 19:00-de Ýniversiadanyń ashylý saltanaty ótedi. Sonymen qatar 12:30-da xokkeiden Resei men AQSh-tyń áielder quramalary kezdesedi.
