الماتىدا 28-شٸ دٷنيەجٷزٸلٸك قىسقى ۋنيۆەرسيادانىڭ العاشقى جارىس كٷنٸ اياقتالدى. بۇل تۋرالى prosports.kz جازدى.
دودانىڭ بٸرٸنشٸ كٷنٸن xوككەيشٸلەر اشتى. ۋنيۆەرسيادادا xوككەيدەن ەرلەر اراسىندا ٶتكەن العاشقى ماتچتا سلوۆاكييا مەن ۇلىبريتانييا قۇرامالارى كەزدەستٸ.«حالىق ارەنا» الاڭىندا ٶتكەن ويىن 9:0 ەسەبٸمەن سلوۆاكييانىڭ جەڭٸسٸمەن اياقتالدى. ەكٸنشٸ كەزدەسۋ - س توبىندا لاتۆييا جاپونييانىڭ مىسىن باستى - 4:3. كەشكە «حالىق ارەنا» مۇز الاڭىندا قازاقستان مەن قىتاي كوماندالارى ٶزارا مىقتىنى انىقتادى. قازاقستاننىڭ xوككەيدەن ستۋدەنتتەر قۇراماسى قحر قاقپاسىنا 22 گول سالدى.
ەيەلدەر اراسىنداعى سىندا ا توبىنداعى ەكٸ كەزدەسۋ ٶتتٸ. بالۋان شولاق ستاديونىندا الدىمەن كانادا مەن قىتاي قۇرامالارى كەزدەسكەن بولاتىن. ماتچ 9:1 ەسەبٸمەن اياقتالىپ, كانادالىق قۇراما جەڭٸسكە جەتتٸ. سودان كەيٸنگٸ كەزدەسۋدە قازاقستان كومانداسى ۇلىبريتانييانى 11:0 ەسەبٸمەن ويسىراتىپ سالدى. بۇل ويىندا بۇلبۇل قارتانباەۆا مەن كارينا فەلزينك قارسىلاستار قاقپاسىنا ەكٸ شايبادان سوقتى. سونىمەن قاتار بٷگٸن «مەدەۋ» مۇز ايدىنىندا كونكي سپورتىنان جاتتىعۋلار ٶتتٸ. ال «الاتاۋ» كەشەنٸندە شاڭعىشىلار تراسسانى سىناپ كٶردٸ. ايتا كەتەيٸك, 29 قاڭتاردا «الماتى ارەنا» ستاديونىندا ساعات 19:00-دە ۋنيۆەرسيادانىڭ اشىلۋ سالتاناتى ٶتەدٸ. سونىمەن قاتار 12:30-دا xوككەيدەن رەسەي مەن اقش-تىڭ ەيەلدەر قۇرامالارى كەزدەسەدٸ.
