Úndistannan alynatyn vaktsinalar álemniń 70 memleketinde qoldanylady.
Bul týraly Ortalyq kommýnikatsiialar qyzmetinde eldegi koronavirýstyq infektsiiaǵa qatysty aǵymdaǵy jaǵdai jáne Qazaqstandaǵy vaktsinalardyń sapasy men satyp alý máselesine qatysty ótken brifingte aityldy, dep habarlaidy "Ult aqparat".
«Úndistannan mindetti túrde qoldanatyn úsh vaktsina alamyz. Onyń bireýi ADS-M vaktsinasy, ekinshisi qyzylshanyń aldyn alý úshin qoldanylatyn vaktsina, al úshinshisi týberkýlezge qarsy vaktsina. Úsh vaktsina da DDSU-nyń aldyn ala tekserisinen ótken. Óziniń arnaiy sertifikaty bar jáne álemniń 70 memleketinde qoldanylady. Olar nátijeligi men qaýipsizdigin dáleldegen», - deidi «SQ-Farmatsiia» JShS basqarma tóraǵasy Berik Shárip.
Onyń aitýynsha, barlyq vaktsinanyń baǵasy týraly aitý múmkin emes.
«Kóp vaktsina tikelei sharttasqan kompaniialar arqyly alynady, ol qupiia aqparat bolyp sanalady. Biryńǵai distribiýter satyp alýdy ótkizgen kezde bizdiń Densaýlyq saqtaý ministrliginde shekti baǵa qoiylady. Biz ol shekti baǵadan edáýir tómen baǵada satyp alyp otyrmyz», - deidi ol.
