Úndistannyń ońtústiktegi Kerala shtatynda kóshkinnen qaza tapqandar sany tamyzdyń basynan beri 58 adamǵa jetti, dep habarlaidy The Hindu gazeti.
Basylymnyń habarlaýynsha, ótken táýlikte mýsson jańbyrynan bolǵan kóshkin eń kóp zardap shekken Mýnnar aýdanynda taǵy da qaitalanǵan. Kem degende 2 adam mert bolyp, 12 turǵyn habar-osharsyz ketken, 100-ge jýyq adam baspanasyz qaldy.
Negizinen kóshkin qurbany bolǵandar – shai ósirý plantatsiialarynyń jumysshylary. Óńirde qutqarý jáne izdestirý jumystary jalǵasyp jatyr, onyń júrgizilýine nóser jańbyr men qatty tuman kedergi keltirýde.
Kerala úkimetiniń bas ministri Pinaraii Vidjaian málim etkendei, bilik zardap shekkenderge qarjylyq qoldaý kórsetip, kóshkin saldarynan qiraǵan eldi mekenderdiń turǵyndaryna ýaqytsha lagerler ashqan.
