Úndistannyń Patiala qalasynda qazaqstandyq bapkerge qatysty kámeletke tolmaǵan sportshyny zorlady degen kúdik boiynsha tergeý bastaldy, dep habarlaidy ult.kz.
Oqiǵa 13 qyrkúiekte Ulttyq sport institýtynyń aýmaǵynda bolǵan. 16 jastaǵy velosportshy politsiiaǵa 18 qyrkúiekte aryz túsirgen.
Tergeý bastalǵanǵa deiin kúdikti institýt aýmaǵynan ketip qalǵan. Keiin onyń Delidegi sporttyq lagerde bolǵany anyqtalǵanymen, ol jerden de izin sýytqan.
Politsiia kúdiktiniń tólqujatyn tárkilep, onyń Úndistannan shyǵyp ketýine jol bermeý úshin izdestirý týraly eskertý jariialaǵan. Qazir ony ustaý úshin arnaiy toptar jumys istep jatyr.
Kámeletke tolmaǵan sportshy meditsinalyq tekserýden ótken. Oqiǵaǵa qatysty tergeý jalǵasyp jatyr.
