Sársenbi kúni Úndistannyń shyǵysyndaǵy Odisha jáne Batys Bengaliia shtattarynda «Iaas» qýatty tropikalyq tsiklonnyń soqqysynan aǵashtar qulap, úiler qirap, saldarynan kem degende bes adam qaza tapty.
ANI agenttiginiń beisenbi kúngi málimetine qaraǵanda, Odisha men Batys Bengaliiada tsiklonnan tórt adam qaza tapqan.
Odishada tórt metrlik tolqyndar men nóser jaýyn saldarynan jaǵalaý jáne oipattaǵy aýdandarda ornalasqan 130-ǵa jýyq kentti sý basqan. Shtattyń bas ministri Navin Patnaik zardap shekken eldi mekenderdiń turǵyndaryn azyq-túlikpen jáne aýyzsýmen qamtamasyz etip, jaǵalaýdaǵy aýdandarmen kólik qatynasy men elektr jabdyqtalýyn qalpyna keltirý sharalaryn qoldanýdy tapsyrdy.
Batys Bengaliia biligi apat saldarynan shtatta 10 mln-ǵa jýyq adamnyń zardap shekkenin habarlady. «Iaas» saldarynan turǵyn úiler qirap, joldardy sý basqan, tsiklon aýyl sharýashylyǵynyń túrli sektorlaryna aitarlyqtai shyǵyn keltirdi.
