Jeksenbi kúni «Svarna palas» úndi qonaq úiinde bolǵan órtten jeti adam kóz jumyp, taǵy 15 adam zardap shekti. Bul qonaq úi koronavirýs infektsiiasyn juqtyrǵan naýqastarǵa arnalǵan karantindik jáne emdeý mekemesi retinde paidalanýǵa berilgen, dep habarlaidy NDTV telearnasy.
Telearnanyń habarlaýynsha, órt Andhra-Pradesh shtatynyń Vidjaivade qalasynda bolǵan.
«Órt saldarynan jeti adam qaza taýyp, 15-20-sy zardap shekti. Olar shuǵyl aýrýhanaǵa jetkizildi. Eki-úsheýiniń jaǵdaiy asa aýyr», - dedi jergilikti politsiia qyzmetkeri.
NDTV telearnasynyń málimetinshe, órt naýqastar arasynda dúrbeleń týdyrǵan, olardyń keibireýleri ǵimarattan sekirip ketken. Mekemede barlyǵy 22 naýqas em qabyldap jatqan.
Aldyn ala málimetter boiynsha, órttiń shyǵýyna qysqa tuiyqtalý sebep bolǵan.
