2017 jyly jarylys bolǵan bul fabrikany Úndistan úkimeti jappaǵan edi. Endi osy kásiporynda taǵy jarylys bolyp, keminde 22 adam qaza tapty, dep habarlaidy The Guardian.
Eski fabrikada jarylys saldarynan ǵimarat tutastai janyp ketti. Politsiia qyzmetkeri Mýhtiar Singh sársenbi kúni bolǵan jarylystan 15 adam qaza tapqanyn habarlaǵan edi, qazir baqilyq bolǵandardyń sany 22-ge jetti. Fabrika Pendjab shtatynda, Niý-Deliden 460 shaqyrym jerde ornalasqan. Singtyń málimetinshe, qutqarý jumystary júrgizilip jatyr.
Shtat úkimetiniń ákimshisi Dipak Bhatiia jarylystyń sebebi zerttelip jatqanyn aitty.
Saiasatker Bikram Singh Matidja bul fabrikanyń zańsyz túrde jumys istegenin aityp, zań organdaryn jaýapqa alýdy talap etip jatyr. Turǵyndary bar aýdanda ornalasqan fabrika litsenziiasyz birneshe jyl boiy jumys istegen. 2017 jyly dál osy fabrikada jarylys bolyp, 1 adam qaza tapqan edi.
Fabrika otshashýlar shyǵarýmen ainalysady.
