Úndistannyń soltústik-shyǵysynda Bihar shtatynda nóser jańbyr tolassyz jaýǵan kezde jai túsip, bir táýlikte 32 adam mert boldy. Bul týraly sársenbi kúni India Today jýrnaly habarlady, dep jazady QazAqparat.
«Bihar úkimeti ár qaza tapqan adamnyń týystaryna $5,7 myń kóleminde aqshalai ótemaqy tóleidi», - dep málimdedi jergilikti bilik ókilderi. Atalyp ótilgendei, tabiǵi apattan kóz jumǵandar arasynda áielder men balalar bar. Apat bolǵan aýmaqta izdeý-qutqarý operatsiiasy júrgizilip jatyr.
Budan buryn Bihar shtatynda sý tasqynynan 102 adam jáne jai túsip taǵy 11 adam mert bolǵany habarlandy.
Maýsymnyń sońynda Ońtústik Aziiaǵa sońǵy on jyldaǵy eń kúshti mýsson keldi. Tolassyz jaýǵan jańbyrdan kólik qozǵalysy qiyndap, ǵimarattar qirady jáne qaiǵyly oqiǵalar kóp boldy.
