Úndistannyń batysynda sońǵy eki kúnde kúshti jel men nóser jańbyrdan soń bolǵan «Taýktae» tropikalyq tsiklony saldarynan kem degende 38 adam qaza tapty, dep habarlaidy PTI agenttigi.
Gýdjarat shtatynda kem degende 13 adam, al Maharashtra shtatynda kem degende 17 adam mert bolǵan. Al buǵan deiin Karnataka shtatynda segiz adamnyń kóz jumǵany týraly habarlanǵan bolatyn.
Ótken aptanyń sońynda Úndistannyń ońtústik-batys jaǵalaýyndaǵy Lakshadvip araldary aýmaǵynda Arab teńizinde paida bolǵan tsiklon kúshti nóser men 155-165 km/saǵ-tan 190 km/saǵ-qa deiingi surapyl jelge ulasty.
Gýdjarattyń bas ministri Vidjai Rýpanidiń aitýynsha, 16 myńnan astam úi búlingen, 40 myńnan astam aǵash jáne 70 myńnan astam elektr baǵanalary men elektr jelileriniń dińgekteri daýyl saldarynan qulaǵan, 5 951 aýyl elektr jaryǵynsyz qalǵan.
Maharashtra qalasynda aldyn ala baǵalaý nátijesinde 11000-nan astam úige jartylai ziian kelgeni anyqtaldy. Bilik qirandylar men zardap shekkender týraly aqparat jinaýdy jalǵastyrýda.
