ٷندٸستاننىڭ باتىسىندا سوڭعى ەكٸ كٷندە كٷشتٸ جەل مەن نٶسەر جاڭبىردان سوڭ بولعان «تاۋكتاە» تروپيكالىق تسيكلونى سالدارىنان كەم دەگەندە 38 ادام قازا تاپتى, دەپ حابارلايدى PTI اگەنتتٸگٸ.
گۋدجارات شتاتىندا كەم دەگەندە 13 ادام, ال ماحاراشترا شتاتىندا كەم دەگەندە 17 ادام مەرت بولعان. ال بۇعان دەيٸن كارناتاكا شتاتىندا سەگٸز ادامنىڭ كٶز جۇمعانى تۋرالى حابارلانعان بولاتىن.
ٶتكەن اپتانىڭ سوڭىندا ٷندٸستاننىڭ وڭتٷستٸك-باتىس جاعالاۋىنداعى لاكشادۆيپ ارالدارى اۋماعىندا اراب تەڭٸزٸندە پايدا بولعان تسيكلون كٷشتٸ نٶسەر مەن 155-165 كم/ساع-تان 190 كم/ساع-قا دەيٸنگٸ سۇراپىل جەلگە ۇلاستى.
گۋدجاراتتىڭ باس مينيسترٸ ۆيدجاي رۋپانيدٸڭ ايتۋىنشا, 16 مىڭنان استام ٷي بٷلٸنگەن, 40 مىڭنان استام اعاش جەنە 70 مىڭنان استام ەلەكتر باعانالارى مەن ەلەكتر جەلٸلەرٸنٸڭ دٸڭگەكتەرٸ داۋىل سالدارىنان قۇلاعان, 5 951 اۋىل ەلەكتر جارىعىنسىز قالعان.
ماحاراشترا قالاسىندا الدىن الا باعالاۋ نەتيجەسٸندە 11000-نان استام ٷيگە جارتىلاي زييان كەلگەنٸ انىقتالدى. بيلٸك قيراندىلار مەن زارداپ شەككەندەر تۋرالى اقپارات جيناۋدى جالعاستىرۋدا.
