Úndistanda ál-Farabidiń 1150 jyldyǵyna arnalǵan is-sharalar bastaý aldy. Ál-Farabi atyndaǵy QazUÝ Úndistandaǵy Qazaqstan Respýblikasynyń Elshiligi jáne Djavaharlal Nerý atyndaǵy ýniversitettiń qoldaýymen Niý-Deli qalasynda Ábý Nasr ál-Farabidiń 1150-jyldyq mereitoiyna arnalǵan dóńgelek ústel ótkizdi, dep habarlaidy "Ult aqparat".
Is sharaǵa QR Úndistandaǵy Elshisi Erlan Álimbaev, QazUÝ jáne Deli ýniversitetteriniń ǵalymdary, Ortalyq Aziia elderiniń diplomatiialyq missiialary men ǵylymi qaýymdastyq ókilderi qatysty.
Kezdesýdi ashqan Qazaqstannyń Úndistandaǵy Elshisi Erlan Álimbaev ál-Farabidiń mereitoiy IýNESKO-nyń ataýly kúnderi men oqiǵalar kúntizbesine engizilgenin jáne ony merekeleý adamzattyń «ekinshi ustazynyń» dúniejúzilik murasyn zertteýge jáne zerdeleýge qýatty serpin beretinin atap ótti. Búginde Uly dala oishylynyń esimi ár eldiń, sonyń ishinde Úndistannyń ǵalymdaryn da asa qyzyqtyrýda. Mundai is-sharalardy joǵary halyqaralyq deńgeide ótkizý ál-Farabidiń shyǵarmashylyq murasy men qazaq tarihyn dáripteýge yqpal etedi.
«Jýyrda QazUÝ Delide Ál-Farabi murajai-úiin ashty, ol ǵalymdar men jurtshylyqty tartatyn erekshe orynǵa ainaldy. Aita keterlik jait, Ál-Farabidiń mereitoiy álemdik deńgeide atap ótkiziýde jáne QazUÝ túrli alańdarda IYU, ISESKO, TÚRKSOI jáne basqa da halyqaralyq uiymdardyń qoldaýymen is-sharalar ótkizýde», – dep atap ótti QazUÝ prorektory Mehmet Arslan.
Dóńgelek ústel barysynda QazUÝ delegatsiiasy ál-Farabidiń ómiri men eńbekteri, onyń qazirgi kezdegi murasynyń mańyzdylyǵy týraly ǵylymi baiandamalar men prezentatsiialar jasady. Sonymen qatar oishyldyń ideialary negizinde ázirlengen «Ýniversitet 4.0» jańa býyn ýniversitetiniń rýhani-adamgershilik jáne ǵylymi-tehnologiialyq platformasyn qamtityn modeli usynyldy.
Is-sharada sóz alǵan Úndistannyń akademiialyq toptarynyń ókilderi, ǵylymi ortalyqtar men institýttardyń basshylary Ábý Nasyr ál-Farabi murasynyń mańyzdylyǵyna erekshe toqtalyp, osyndai ataýly sharalardyń eki dostas elderdiń mádenietin jaqyndastyrýdaǵy mańyzdylyǵyn atap ótti.
Úndistanǵa sapar barysynda qazaqstandyq jetekshi joǵary oqý ornynyń delegatsiiasy Amiti ýniversitetinde (Noida q.) 100-den astam el ókilderiniń basyn qosqan «INBUSH ERA-2020» búkilálemdik sammitiniń jumysyna qatysty. Sammit aiasynda yntymaqtastyq týraly memorandýmǵa qol qoiylyp, Amiti ýniversitetinde ál-Farabi ortalyǵyn jáne atalmysh úndi joǵary oqý ornynyń QazUÝ-da ókildigin qurý týraly kelisimge qol jetkizildi.
