Úndistannyń Gýdjarat shtatyndaǵy portta júrgizilgen aýqymdy operatsiia aiasynda Kontrabandamen kúres jónindegi qyzmet shamamen 2,7 mlrd dollar somaǵa baǵalanǵan úsh tonnaǵa jýyq geroin tárkiledi, dep habarlaidy QazAqparat BBC-ge silteme jasap.
Taýar talk retinde Aýǵanstannan Bender-Abbas iran porty arqyly jetken.
Úndistannyń salyqty barlaý qyzmeti (DRI) elge kele jatqan júktiń ishinde esirtki bar ekeni týraly aqparat aldy.
Barlaý qyzmetiniń derekteri boiynsha, taýardy eldiń ońtústigindegi Vidjaiavada qalasyndaǵy úndi kompaniiasy importtaǵan.
Esirtkini zańsyz ainalymǵa engizý isi boiynsha eki adam ustaldy, taǵy birneshe adam tergelip jatyr. Olardyń qatarynda Aýǵanstan azamattary bar.
Qylmystyq saraptama aldaǵy ýaqytta tárkilengen esirtkiniń naqty qunyn anyqtaidy. Tintý sharalary sonymen qatar Deli, Ahmadabad jáne Chennai siiaqty qalalarda da ótti.
