Kólik politseileri ákimshilik quqyq buzýshylyq jasaǵany úshin Úndistan azamatyn «Almaty-Shymkent» áýe reisinen túsirip aldy, dep habarlaidy "Ult aqparat".
Kóliktegi politsiia departamentiniń málimetinshe, Almaty qalasynyń áýejaiyndaǵy politsiia jelilik bólimine «Eir Astana» áýe kompaniiasynyń ókili habarlasyp, «Almaty-Shymkent» baǵytynda qatynaityn ushaq bortynda quqyq buzýshy bar ekenin aitqan. Kólik politseileri tekserý barysynda 43 jastaǵy Úndistan azamatyna anyqtaǵan. Mas úndistandyq ózin dóreki ustap, ushaq jolaýshylarynyń mazasyn alǵan.
«Qaýipti jolaýshy mán-jaidy anyqtaý úshin atalǵan áýe reisinen akti toltyrý arqyly túsirildi. Meditsinalyq kýálandyrý qorytyndysyna sáikes, ol «ortasha deńgeide» mas bolǵan. Onyń ústinen QR ÁQBtK 440-baby 1-tarmaǵymen ákimshilik hattama toltyryldy jáne 12 625 teńge ákimshilik aiyppul salyndy», - delingen taratylǵan aqparatta.
Esterińizge sala ketsek, osy jyldyń basynan beri elimizdiń kólik politseileri 28 590 azamatty ákimshilik jaýapkershilikke tartty. Onyń ishinde 4 669 adam qoǵamdyq orynda alkogol sýsynyn ishkeni nemese qoǵamdyq orynǵa mas kúiinde kelgeni úshin jazalandy.
