Úndistan altyn-valiýta qorynyń mólsheri boiynsha álemde tórtinshi orynǵa shyqty, - dep habarlaidy Tengrinews.kz RIA Novosti aqparat agenttigine silteme jasap.
Úndistannyń Ortalyq bankiniń derekterine sáikes, qazirgi altyn-valiýta rezerviniń kólemi 580,29 milliard dollarǵa jetken, bul rette shetel valiýtasyndaǵy aktivter - 539,6 milliard, altynmen - 34,2 milliard boldy.
Al Reseidiń Ortalyq banki 5 naýryzda jariialaǵan sońǵy málimetke sáikes, eldiń altyn-valiýta rezervi 580,1 milliard bolyp, álemde besinshi orynǵa turaqtady.
Altyn-valiýta rezervteriniń kólemi boiynsha birinshi orynda - Qytai, odan keiin Japoniia men Shveitsariia tur.
2020 jyly jeltoqsanda Qazaqstannyń altyn-valiýta rezervteri óskeni habarlanǵan bolatyn. Qarashada olardyń kólemi 33,6 milliard dollarǵa jetti. Bul 2019 jyldyń sáikes kezeńimen salystyrǵanda 13,8 paiyzǵa kóp. Sonymen qatar, bes jyl ishinde el 215 tonnadan asa qymbat metall satyp alǵany atap ótildi.
Qazaqstan Ulttyq bankiniń derekterine sáikes, 2021 jylǵy aqpannyń sońyndaǵy jaǵdai boiynsha, eldiń altyn-valiýta aktivteri bir aida 800 million AQSh dollaryna tómendep, 34,7 milliard dollar boldy.
