Dúniejúzilik densaýlyq saqtaý uiymynyń (DDSU) ókili Mariia van Kerkhove koronavirýstyń úndi shtamy álemniń 92 elinen anyqtalǵanyn málimdedi, - dep habarlaidy Tengrinews.kz tilshisi FR24 News basylymyna silteme jasap.
DDSU sarapshysynyń málimetinshe, "delta" shtamy uiymdy alańdatyp otyr, sebebi ol asa juqpaly jáne álemde jyldam tarap barady.
"Delta" nusqasy 92 elde anyqtaldy. Ol óte juqpaly bolǵandyqtan alańdatyp otyr", - dedi Kerkhove brifingte.
Aýrýdy baqylaý jáne aldyn-alý ortalyqtarynyń deregine súiensek, qazir bul shtamm AQSh-ta barlyq aýrý juqtyrý dereginiń 10 paiyzyn alady, ol eldegi basymdyqqa ie nusqalardyń birine ainalǵan. Sonymen qatar, úndi shtamy Ulybritaniiadaǵy jańa derekterdiń 60 paiyzyna jetti.
"Koronavirýsqa qarsy vaktsina aýyr syrqat pen ólimge qarsy óte tiimdi. Vaktsina osyǵan arnalǵan, sondyqtan qoldanýymyz qajet. COVAX, DDSU jáne bizdiń barlyq seriktes qaýip tónip turǵan adamdarǵa vaktsina jetkizýdi qoldaidy", - dep qosty Kerkhove.
Eske salaiyq, buǵan deiin DDSU úsh eselengen mýtatsiiasy bar úndi shtamy álemdik deńgeide "alańdatyp otyrǵanyn" moiyndaǵan edi. DDSU jańa aýrýlar men zoonoz bóliminiń basshysynyń sózinshe, úndistandyq V.1.617. shtamy bastapqylarymen salystyrǵanda juqpaly, vaktsinaǵa shydamdy jáne joiqyn bolyp keledi. DDSU ókili mýtatsiialanǵan infektsiia bastapqy shtamm - SARS-CoV-2-ge qaraǵanda jyldam taralady.
Buǵan deiin Densaýlyq saqtaý ministri Aleksei Tsoi Nur-Sultanda úndi shtamy tabyldy degen qaýip anyqtalǵanyn málimdegen edi.
