Atyshýly "Uljan isi" boiynsha sot otyrysy Almaty qalasynyń Almaly aýdandyq sotynda jabyq rejimde ótti. Almaty turǵyny oqiǵa týraly politsiiaǵa 2023 jyldyń tamyz aiynda aryzdanǵan bolatyn. Iske qatysty sot úkimi shyqty, dep habarlaidy "Ult aqparat" Almaty sottaryna silteme jasap.
Qyz Nazarbaev dańǵyly boiyndaǵy bardan shyǵyp bara jatqanda, oǵan er adam kelip, ózin mekemeniń kúzetshisimin dep tanystyrǵan. Osydan keiin ol úiine alyp ketýdi usynǵan. Onyń teris piǵylyn bilmegen Uljan úiine deiin jetkizýine kelisim bergen. Úi podeziniń mańynda bar kúzetshisi qyzǵa shabýyl jasap, pyshaqpen qorqytyp, zorlaǵan.
Úkimdi jariialaý birneshe ret keiinge shegerildi. Al búgin sot úkimi shyqty.
Bar kúzetshisi birneshe bap boiynsha kináli dep tanyldy. "Zorlaý" (Qylmystyq kodeks 120-bap); "Seksýaldyq sipattaǵy zorlyq-zombylyq áreketteri" (Qylmystyq kodeks 121-bap); "Tonaý" (Qylmystyq kodeks, 191-bap).
"Sotta 2023 jyldyń 7 tamyzyna qaraǵan túni, sottalýshy K. qalanyń kóńil kóterý oryndarynyń birinde kúzetshi bolyp jumys istei otyryp, sol túni mekemege kelgen jábirlenýshi P.- men tanysqany anyqtaldy. Keiin sotalýshy, jábirlenýshiniń senimine kirip, úiine deiin shyǵaryp salýdy usynǵan. Úidiń kireberisine kirgen soń, sottalýshy jinalmaly pyshaǵyn shyǵaryp jábirlenýshini óltirem dep qorqytyp, jynystyq sipattaǵy áreketterin jasap, sodan keiin zorlaǵan", - delingen sot habarynda.
Al ekinshi epizod boiynsha, sottalýshy K. óziniń jazasyzdyǵyn túsinip, materialdyq jaǵdaiyn jaqsartý maqsatynda taǵy bir qylmystyq is jasaýǵa niettengenin anyqtalǵan.
"2023 jyldyń 9 qarashasynda tańerteń sottalýshy K., qalanyń túngi klýbtarynyń birine kelip, kirer esik aldynda eki jas jigittiń janjalyn kóredi. Keiin, jábirlenýshige jaqyndap, betine soqqy berip, sodan keiin, qaltasynan baǵaly zattaryn shyǵarýyn suraidy. Jábirlenýshi, sottalýshynyń fizikalyq artyqshylyǵyn túsinip, qaltasynan uialy telefony men qolma-qol aqshasyn shyǵarady.
Aqshany alǵan soń, sottalýshy jábirlenýshiden uialy telefonynyń jáne mobildi qosymshasynyń kodyn habarlaýyn suraidy, sodan keiin, 10.000 teńge kólemindegi sýmmany onlain ózine aýdaryp, jábirlenýshige uialy telefonyn qaitarady, sodan keiin belgisiz baǵytqa ketedi", - delingen sot habarynda.
Sottalýshynyń kinási qylmystyq is materialdarymen, saraptama qorytyndylarymen, kýálardyń aiǵaqtarymen jáne is boiynsha basqa da dáleldemelermen dáleldendi. Sot málimetinshe, aiyptalýshy 8 jylǵa bas bostandyǵynan aiyrylyp, jazasyn ortasha rejimdegi koloniiada óteidi.
