Ótken jyly Ortalyq Qazaqstanǵa jiberilgen qulandardyń biri Ulytaýdan óli kúiinde tabyldy. Bul týraly Qazaqstannyń bioalýantúrliligin saqtaý qory habarlady.
«Kún saiyn spýtniktik habarlaǵysh bekitilgen tórt qulandy baqylaýda ustaimyz. Bir habar taratqysh uzaq ýaqyttan beri ornynan qozǵalmady. Qazaqstannyń bioalýantúrliligin saqtaý qorynyń mamandary jolǵa shyqty jáne 16 qańtarda analyq qulandy óli kúiinde tapty», - delingen habarlamada.
Qulan Qaraǵandy oblysy Ulytaý aýdanynda baýyzdalǵan kúiinde tabyldy. Onyń janynda eki avtokóliktiń izi men oq gilzasy jatty.
«Oqiǵa jóninde akt quryldy. Óli qulan týraly derekter Ulytaý aýdandyq ishki ister bólimine jáne janýarlar álemin qorǵaityn memlekettik uiymdarǵa jiberildi», - dep habarlady qaýymdastyq.
