Orman sharýashylyǵy jáne janýarlar dúniesi komiteti tóraǵasynyń mindetin atqarýshy Erlan Qutpanbaev Ulytaý memlekettik ulttyq tabiǵi saiabaǵyn qurýǵa qansha qarajat jumsalatynyn aitty, dep habarlaidy QazAqparat.
Ulytaý ulttyq tabiǵi parkin qurýǵa qansha qarajat ketedi? Jalpy Ulttyq parkterdiń damytýdyń keleshegi qandai? Odan qandai ekonomikalyq tiimdilik bar? Parkter óz-ózig aqtap jatyr ma? Ortalyq kommýnikatsiialar ortalyǵynda ótken brifingide Ekologiia, geologiia jáne tabiǵi resýrstar ministrliginiń ókilderine osyndai saýal qoiyldy.
«Ulytaý» memlekettik ulttyq tabiǵi saiabaǵy 2022 jylǵa arnalǵan biýdjeti 236 mln teńge bolyp otyr. Búgingi tańda bul qarajat respýblikalyq biýdjetten bólinedi. 2022 jyldyń birinshi qańtarynan bastap shtat sany jáne basqa da uiymdastyrý máseleleri naqty belgili bolady», - dedi Orman sharýashylyǵy jáne janýarlar dúniesi komiteti tóraǵasynyń mindetin atqarýshy Erlan Qutpanbaev,
Onyń aitýynsha, memleket ulttyq parkterdi ekonomikalyq paida úshin ustap otyrǵan joq.
«Ulttyq parkter qurýdaǵy negizgi maqsat, birinshiden, tabiǵatty kúzetý qyzmeti. Iaǵni, biregei tabiǵi keshenderdi qorǵaýǵa baǵyttalǵan. Osyǵan bainalysty Ulttyq saiabaqtardyń tabysyn esepteý ekinshi kezektegi másele dep oilaimyz», - dedi komitet basshysy.
