ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ مٸندەتٸن اتقارۋشى ەرلان قۇتپانباەۆ ۇلىتاۋ مەملەكەتتٸك ۇلتتىق تابيعي ساياباعىن قۇرۋعا قانشا قاراجات جۇمسالاتىنىن ايتتى, دەپ حابارلايدى قازاقپارات.
ۇلىتاۋ ۇلتتىق تابيعي پاركٸن قۇرۋعا قانشا قاراجات كەتەدٸ? جالپى ۇلتتىق پاركتەردٸڭ دامىتۋدىڭ كەلەشەگٸ قانداي? ودان قانداي ەكونوميكالىق تيٸمدٸلٸك بار? پاركتەر ٶز-ٶزٸگ اقتاپ جاتىر ما? ورتالىق كوممۋنيكاتسييالار ورتالىعىندا ٶتكەن بريفينگٸدە ەكولوگييا, گەولوگييا جەنە تابيعي رەسۋرستار مينيسترلٸگٸنiڭ ٶكٸلدەرٸنە وسىنداي ساۋال قويىلدى.
«ۇلىتاۋ» مەملەكەتتٸك ۇلتتىق تابيعي ساياباعى 2022 جىلعا ارنالعان بيۋدجەتٸ 236 ملن تەڭگە بولىپ وتىر. بٷگٸنگٸ تاڭدا بۇل قاراجات رەسپۋبليكالىق بيۋدجەتتەن بٶلٸنەدٸ. 2022 جىلدىڭ بٸرٸنشٸ قاڭتارىنان باستاپ شتات سانى جەنە باسقا دا ۇيىمداستىرۋ مەسەلەلەرٸ ناقتى بەلگٸلٸ بولادى», - دەدٸ ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ مٸندەتٸن اتقارۋشى ەرلان قۇتپانباەۆ,
ونىڭ ايتۋىنشا, مەملەكەت ۇلتتىق پاركتەردٸ ەكونوميكالىق پايدا ٷشٸن ۇستاپ وتىرعان جوق.
«ۇلتتىق پاركتەر قۇرۋداعى نەگٸزگٸ ماقسات, بٸرٸنشٸدەن, تابيعاتتى كٷزەتۋ قىزمەتٸ. ياعني, بٸرەگەي تابيعي كەشەندەردٸ قورعاۋعا باعىتتالعان. وسىعان باينالىستى ۇلتتىق ساياباقتاردىڭ تابىسىن ەسەپتەۋ ەكٸنشٸ كەزەكتەگٸ مەسەلە دەپ ويلايمىز», - دەدٸ كوميتەت باسشىسى.
