Foto: 24kz
Prezident úkimetke tótenshe jaǵdaidyń sebepterin muqiiat tekserýdi tapsyrdy, dep habarlaidy Ult.kz.
Gaz jarylǵan
Tótenshe jaǵdai 17 aqpan kúni saǵat 16:50-de Jańaarqa aýdanyndaǵy "Jomart" kenishinde bolǵan. "Qazaqmys Korporatsiiasy" JShS bul oqiǵaǵa qatysty túsinikteme berdi.
«Qazaqmys» korporatsiiasynyń habarlaýynsha, aldyn ala málimetke sáikes korporatsiia kenishterine tán emes tabiǵi gazdyń jarylysy bolǵan.
«Oqiǵanyń mán-jaiy men sebepteri anyqtalyp jatyr. Qaiǵyly jaǵdaidy tergeý úshin arnaiy memlekettik komissiia quryldy. «Qazaqmys» korporatsiiasy» JShS tragediianyń barlyq mán-jaiyn anyqtaýda tolyq kómek kórsetýde», - delingen habarlamada.
«Qazaqmys» basshylyǵy men ujymy qaza tapqandardyń otbasylary men jaqyndaryna kóńil aitty.
Jeti kenshi qaza tapty
Izdestirý-qutqarý jumystary barysynda «Qazaqmys» korporatsiiasy» JShS-yna tiesili kenishten jetinshi qyzmetkerdiń máiiti tabyldy.
Jeti qyzmetkerdiń denesi jer betine kóterilip, sot-meditsinalyq saraptama júrgizý úshin politsiia qyzmetkerlerine berildi.
Qaza tapqandardyń otbasylaryna kómek
«Qazaqmys» ujymdyq kelisimshartqa sáikes «Jomart» kenishinde qaza tapqandardyń otbasylaryna barlyq qajetti kómekti kórsetetin atap ótti.
«Áleýmettik jáne materialdyq qoldaý maqsatynda, sonyń ishinde moraldyq ziiandy óteý úshin, qaza tapqandardyń otbasylaryna jumyskerdiń ortasha jyldyq jalaqysynyń 10 eselengen mólsheri jáne 2 mln teńgeden astam jerleý rásimderin uiymdastyrýǵa tólenedi», - delingen habarlamada.
Kompaniianyń málimdeýinshe, asyraýshysynan aiyrylýy boiynsha ai saiynǵy tólemder, balalardyń oqý aqysyn tóleý, qaza tapqan jumysshylardyń nesiesin jabý, otbasy músheleriniń ótinishi boiynsha basqa da kómek túri qarastyrylady.
Qylmystyq is
Apatqa qatysty QR QK-niń 277-babynyń 3-bóligi «Taý-ken nemese qurylys jumystaryn júrgizý kezinde qaýipsizdik erejelerin buzý» boiynsha is qozǵaldy.
Oqiǵa ornynda Ulytaý oblysy Politsiia departamentiniń jedel-tergeý toptary jumys istep jatyr. Qazirgi ýaqytta barlyq qajetti tergeý amaldary júrgizilýde.
Kenish týraly
"Jomart" ken orny "Qazaqmys Korporatsiiasy" JShS-niń Jezqazǵan mys qorytý zaýytyna tiesili jáne vahtalyq ádispen jumys isteidi – 15 kúndik eki aýysymmen. Kenish 2006 jyly iske qosylǵan. Munda jylyna 3,6 million tonnaǵa deiin mys-sýlfidti ken óndiriledi. Kenishte myńnan astam adam jumys isteidi. Jezqazǵan mys qorytý zaýyty – "Qazaqmys" korporatsiiasynyń negizgi bólimsheleriniń biri.
