Foto: ashyq derekkózden
Ulytaý oblysynyń prokýratýrasy 223 million teńge somasyna biýdjet qarajatyn talan-tarajǵa salý deregin anyqtady, - dep habarlaidy "Ult aqparat" vedomstvonyń baspasóz qyzmetine silteme jasap.
Prokýrorlar Jezqazǵan qalasynyń turǵyn úi kommýnaldyq sharýashylyǵy, jolaýshylar kóligi jáne avtokólik joldary bóliminiń qyzmetin teksergen.
"Tekserý nátijesi boiynsha Jezqazǵan qalasynyń jylý jelilerin qaita qurý jáne jańǵyrtý kezinde biýdjet qarajatyn asa iri mólsherde talan-tarajǵa salý faktisi anyqtaldy.
Atap aitqanda, 2021 jyly TKSh bóliminiń laýazymdy tulǵalary qurylys jumystaryn joǵary baǵamen qabyldaǵan, bul 223 mln teńgeden astam mólsherde biýdjet qarajatyn negizsiz artyq tóleýge ákelgen.
Atalǵan fakt boiynsha oblys prokýratýrasy Qylmystyq kodekstiń 189-baby (Senip tapsyrylǵan bóten múlikti iemdenip alý nemese talan-tarajǵa salý) boiynsha sotqa deiingi is júrgizýdi bastap, ony tergep-tekserý Ulytaý oblysy boiynsha Sybailas jemqorlyqqa qarsy is-qimyl agenttiginiń departamentine tapsyryldy" - delingen habarlamada.
Qylmystyq isti tergep-tekserý barysy oblys prokýratýrasynyń baqylaýyna alynǵan.
"Qylmystyq-protsestik kodekstiń 201-babyna sáikes ózge málimet tergeý múddesinde jariia etýge jatpaidy. Sonymen qatar Qazaqstan Respýblikasy Konstitýtsiiasynyń 77-babyna jáne Qylmystyq-protsestik kodekstiń 19-babyna sáikes árkim óziniń qylmystyq quqyq buzyshylyq jasaýdaǵy kináliligi sottyń zańdy kúshine engen úkimimen belgilengenge deiin kinásiz bolyp sanalady" - delingen vedomstvo málimetinde.
