Foto: Golos naroda
Astanada eks-ministr Qýandyq Bishimbaevtyń ústinen qozǵalyp jatqan sot protsessi jalǵasyp jatyr. Búgin sottalýshynyń anasy Almira Nurlybekova alǵash ret sotta sóz sóiledi, dep habarlaidy "Ult Aqparat".
Sot otyrysy barysynda aiyptaýshy tarap sottalýshy Qýandyq Bishimbaevtyń advokattary tartqan Reseiden kelgen mamandardyń qorytyndysyn jol berilmeitin dálel dep taný týraly ótinish bildirdi.
Ótinishti Bishimbaevtyń anasy Almira Nurlybekova jariialady:
"Men qazir tyńdap otyrmyn. Árine, zańger emespin, biraq meniń oiymsha, eger siz bizdiń máskeýlik mamannyń qorytyndysyn qabyldamasańyz, onda meniń ulymnyń konstitýtsiialyq quqyqtary buzylady. Ol ózin qorǵaýy kerek jáne ony qorǵaý úshin óz dálelderin berýi kerek dep sanaimyn. Sondyqtan sottan, prokýrorlardan, jábirlenýshilerden meni ana retinde túsinýin suraimyn", - dedi sottalýshynyń anasy.
