10 ai buryn jańa koronavirýstyń qytailyq Ýhan qalasynda anyqtalǵan kezden beri búkil álem boiynsha Covid-19 infektsiiasynan qurban bolǵandar sany bir millionǵa jetti. Bul týraly VVS agenttigi habarlady.
Soltústik Amerikada 308 myńnan astam adam, Ońtústik Amerikada 250 myńǵa jýyq adam, Eýropada 221 myń adam, Aziiada – 190 myń adam qaitys boldy.
Qaýipti virýstan eń kóp zardap shekken el – AQSh (210 myńdai adam), ekinshi orynda - Braziliia (142 myń adam), odan keiin tizimde Úndistan (96 myńnan astam adam), Meksika (76 myńnan astam adam) jáne Britaniia (42 myńnan astam adam) tur.
Seisenbi kúni Britaniiada sońǵy 28 kúnde kovid anyqtalǵan taǵy 71 adamnyń ólimi tirkelgen, bul - sońǵy birneshe aidyń ishindegi eń joǵary kórsetkish. Britaniiada virýstan qaitys bolǵandardyń jalpy sany – 42 072 adam.
Ótken táýlik ishinde taǵy 7143 oqiǵa anyqtalǵan – bul Britaniiadaǵy jappai testileý bastalǵannan beri bir táýlik ishindegi rekordtyq kórsetkish. Sarapshylar kóktemde aýrýǵa shaldyqqandar sanynyń ósimi áldeqaida joǵary bolǵanyn, biraq sol kezde testileý kóbinese aýrýdyń aýyr belgileri bolǵan adamdarǵa ǵana júrgizilgenin shamalap otyr. Britaniiada kovid diagnozy 439 adamnan rastalǵan.
Pandemiia bastalǵannan beri, 188 elde 33,5 myńnan astam aadm aýrýǵa shaldyqty. 25 mln jýyq adam jazylyp shyqqan, shamamen 7,5 mln adam qazirgi kezde em qabyldap jatyr, sonyń ishinde 65,3 myń adam aýyr nemese óte aýyr halde jatyr.
«Ólim deńgeiiniń tómendeitin belgileri joq. Ókinishke qarai, ol vaktsina paida bolmaǵansha sol deńgeide qalyp otyratyn shyǵar», - dep málim etti Bi-bi-si agenttigine Melbýrn qalasyndaǵy Turǵyndar men jahandyq densaýlyq mektebiniń basshysy Nensi Bakster.
