Ulybritaniia qarjy ministri Sadjid Djavid 50 pens milliondaǵan estelik monetasyn shyǵarýdy kózdep otyr. Ol osy jyldyń qazanynda Britaniia Eýropalyq odaqtan ketken kezde shyǵarylady, dep habarlaidy BBC.
Onyń aldynda eldiń qarjy ministri bolǵan Filipp Hammond tiynnyń kollektsiialyq nusqasyn shyǵarýdy josparlaǵan bolatyn. Djavid jalpy qoldanysta bolatyn monetany shyǵarýǵa úmittenip otyr. 2018 jyldyń qazanynda Hammond 10 000 tiyn shyǵarý týraly josparyn jariia etti. Olardyń árqaisysy kollektsionerlerge 10 fýnttan satylmaq.
Jańa tiyndardyń dizainy burynǵysha, «Beibitshilik, gúldený jáne barlyq halyqtarmen dostastyq» jazbasymen bolady. Biraq, onyń datasy EO-dan shyqqan kúnmen jańartylmaq.
50 pens moneta 1973 jyly Ulybritaniia Eýropalyq Ekonomikalyq Qoǵamdastyqqa qosylǵanda jáne 1998 jyly EO-ǵa tóraǵalyq etkende ainalymǵa shyǵarylǵan edi.
