Ulybritaniianyń Koventri qalasynyń mańynda ushqyshsyz basqarylatyn kólikterge arnalǵan álemdegi tuńǵysh áýejai salynady, dep habarlaidy «Ult aqparat» euronews.com agenttigine silteme jasap.
El biligi júk kólikteri men jolaýshylardy ushqyshsyz basqarylatyn apparattardyń kómegimen tasymaldaý úshin qyzmet etetin ortalyqtyń qurylýyna arnaiy qarjy bóledi.
«Ushaqtar úshin – áýejailar, poiyzdar úshin – vokzaldar, al avtomobilder úshin joldar bar. Biraq endi óz infraqurylymyn qajet etetin áýe tasymalyna arnalǵan jańa forma qalyptasty. Jolaýshylardyń kelip, reiske bron qoiýǵa, jolaýshylarǵa arnalǵan aerotaksi salonyna ótýge múmkindigi bolýy tiis. Sondyqtan qozǵalystyń bul quraly úshin kómekshi infraqurylym qajet bolady», - dep málim etti Urban Air Port kompaniiasynyń tóraǵasy Sandý.
Jobany qurýshylar ushqyshsyz basqarylatyn kólikterdiń elektr motorlarymen jumys istep, kómirqyshqyl gazyn bóletinin atap ótedi. Aldaǵy bes jylda álemde osyǵan uqsas 200-ge jýyq áýejai salynady.
