Koronavirýsqa qarsy vedomstvoaralyq komissiia álemdegi epidemiologiialyq ahýalǵa sholý jasady, dep habarlaidy "Ult aqparat".
Komissiianyń málimetinshe, Eýropalyq keńes basshysy Sharl Mishel COVID-19 vaktsinatsiiasy týraly biryńǵai sertifikat engiziletin habarlaǵan.
«Aldymen bul tek meditsinalyq qujat bolady. «Kelesi kezeńderde bul sertifikattardy ózgede maqsattarda qoldaný múmkindigin qarastyratyn bolamyz», - dep tolyqtyrdy Eýropalyq Keńes basshysy.
«Qolda bar koronavirýsqa qarsy vaktsinalar Ońtústik Afrikada tabylǵan virýstyń jańa mýtatsiiasyna qarsy tiimdiligi tómen», dep sanaidy immýnolog, Frantsiia úkimeti janyndaǵy COVID-19 ǵylymi keńesiniń jetekshisi Jan-Fransýa Delfressi.
Ǵalymnyń pikirinshe, virýstyń jańa shtamdarynyń Frantsiiaǵa enýi búkil elde jańa lokdaýn engizilýine sebep bolady.
Izrail biligi 31 qańtarǵa deiin barlyq áýe qatynasyn toqtatty.
Tel-Avivtegi Ben Gýrion halyqaralyq áýejaiy bir aptaǵa tolyǵymen jabyldy.
Bilik bul shara SARS-CoV-2 virýsynyń jańa shtamdarynyń elge enýine jol bermeidi dep úmittenedi.
Shvetsiia, Norvegiia koronavirýstyń «britandyq shtammynyń» taralýyna bailanysty aradaǵy shekarany jaýyp tastady.
Shvetsiianyń ishki ister ministri Mikael Dambergtiń aitýynsha, sheshim kem degende 14 aqpanǵa deiin kúshinde bolady.
Ulybritaniiada sońǵy táýlikte rekordtyq 491 970 adam koronavirýsqa qarsy ekpe aldy.
Memlekette ekpe alǵan adamdardyń jalpy sany 6,3 millionnan asty.
Ótken aptada COVID-19-dyń 251 myńnan astam jańa jaǵdaiy tirkeldi, bul bir apta burynǵy kórsetkishten 22 paiyz tómen.
Berlindegi Gýmboldt klinikasynda koronavirýstyń «britandyq shtammyn» 20 adam juqtyrǵan.
Osyǵan bailanysty 1 500-ge jýyq dáriger, medbikeler jáne basqa da meditsinalyq jáne ákimshilik qyzmetkerler karantinge jiberildi.
Sonymen qatar, klinikanyń 400-ge jýyq patsienti oqshaýlanǵan.
