Belorýs oppozitsioneri Svetlana Tihanovskaia men Ulybritaniia premer-ministri Boris Djonson. London, 3 tamyz 2021 jyl.
Ulybritaniia premer-ministri Boris Djonson seisenbi, 3 tamyzda Londondaǵy rezidentsiiasynda belorýs oppozitsiiasynyń jetekshisi Svetlana Tihanovskaiany qabyldady. Kezdesý barysynda Djonson Ulybritaniia Belarýstiń azamattyq qoǵamy men halyqtyń demokratiiaǵa umtylysyn qoldaidy dep málimdedi.
"Biz halyq jaǵyndamyz jáne sizderdiń áreketterińizdi qoldaimyz" dedi Djonson Tihanovskaiaǵa.
Ol Minskige Ryanair ushaǵy kúshpen qondyrylyp, oppozitsiialyq bloger Roman Protasevichti ustaǵan kezde britan úkimeti alǵashqylardyń biri bolyp, Aleksandr Lýkashenko rejimine sanktsiia salǵanyn atap ótti.
Tihanovskaia Ulybritaniia Belarýsti qoldaǵan álemdegi eń qýatty elderdiń biri dedi.
Oppozitsiia jetekshisi Ulybritaniia syrtqy ister ministri jáne parlament depýtattarymen de kezdesedi.
Belorýs azamattyq qoǵamynyń jetekshisi, bir jyl buryn Belarýstegi prezident sailaýynda Lýkashenkonyń básekelesi bolǵan Svetlana Tihanovskaia buǵan deiin AQSh prezidenti Djo Baiden qabyldaýynda bolǵan.
Batys elderi sailaý nátijesiniń burmalanýyna bailanysty Lýkashenkonyń jeńisin moiyndaǵan joq jáne Belarýske birneshe sanktsiia saldy. Olar elde jańadan ádil sailaý ótkizýge shaqyrǵan.
