Eger Qytai Gonkongke qysym jasaýyn toqtatpasa, Ulybritaniia megapolistiń úsh millionǵa deiin turǵynyn qabyldaýǵa daiyn ekenin málimdedi. Bul týraly premer-ministr Boris Djonson Times basylymyna bergen suhbatynda aitqan. Gonkong turǵyndarynyń Ulybritaniia azamattyǵyn alý múmkindigi de bolady.
"Eger qajet bolsa, britan úkimeti osyndai qadam jasaidy. Gonkong turǵyndarynyń erkindigine qaýip tóndi. Eger Qytai áreketi bulaisha alańdaýǵa negiz bar ekenin kórsetse, Ulybritaniia buǵan únsiz qarap otyra almaidy. Biz óz paryzymyzdy óteimiz - balama usynys jasaimyz" dedi Djonson.
Djonson koroldik tólqujatyn alýǵa quqyǵy bar Gonkongtiń barlyq turǵynyna azamattyq berý máselesin qarastyratynyn aitty. Buryn Ulybritaniia otarynda bolǵan Gonkongtiń shamamen 350 myń turǵynynda osyndai qujat bar jáne taǵy 2,6 mln adamnyń ony alýǵa quqyǵy bar. Qazir mundai tólqujat Ulybritaniiada jumys isteýge nemese azamattyq alýǵa jaramsyz, biraq premer-ministr koroldik viza júiesin ózgertip, mundai shekteýdi alyp tastaýǵa daiyn ekenin jetkizdi.
