Ulybritaniia densaýlyq saqtaý ministriniń orynbasary, depýtat-konservator Nadin Dorriske koronavirýs diagnozy qoiyldy. Bul týraly VVS agenttigi.
Dorris – koronavirýs juqtyrǵan parlamenttiń alǵashqy múshesi. Onyń aǵzasynan virýs tabylǵannan keiin ol barlyq usynylǵan saqtyq sharalaryn qabyldap, úi karantininde qaldy.
Onyń habarlamasynda Angliianyń Qoǵamdyq densaýlyq saqtaý qyzmeti depýtatpen bailanysqa túsken adamdardy izdeý bastalǵany aitylǵan. Dorris ózimen bir úide turatyn 84 jastaǵy anasynyń densaýlyǵyna alańdaýly ekenin habarlady. Seisenbi kúni depýtattyń anasy jótelip aýyrǵan.
Densaýlyq saqtaý ministrligi Dorristi aýrý belgileri beisenbi kúni paida bolǵanyn málimdedi. Sol kúni ol premer-ministr uiymdastyrǵan Daýning-strit sharasynda bolǵan.
Angliianyń Qoǵamdyq densaýlyq saqtaý qyzmeti Ulybritaniia boiynsha barlyǵy 25 000 test jasaǵanyn aityp ótti.
Eske sala keteiik, Ulybritaniiada virýstan 6 adam kóz jumdy. Angliiada koronavirýs juqtyrǵandar sany 324 adamǵa jetti, Shotlandiiada - 27, Soltústik Irlandiiada - 16 jáne Ýelste 15 adam.
Syrtqy ister ministrligi Ulybritaniiaǵa Italiiadan kelgenderdiń barlyǵyna 14 kúnge ózin-ózi oqshaýlaýǵa keńes berdi.
British Airways Italiiaǵa jáne keri qarai ushatyn barlyq reisti 4 sáýirge deiin toqtatty jáne kompaniia qyzmetkerlerinen aqysy tólenbeitin demalys alýlaryn surady.
