Britandyq úkimet benzinmen júretin kólikterdi satýǵa buryn josparlanǵan 2040 jyly emes, on jyl buryn, iaǵni 2030 jyldan bastap tyiym salýdy kózdep otyr. Bul týraly The Guardian gazeti habarlady.
Bul shara Birikken Koroldik joldarynda elektromobilderdiń taralýyn jyldamdatady.
Jańa «jol kartasy» qyrkúiektiń sońyna qarai jariialanady dep kútilgen edi.
Basylym derekkózderiniń aitýynsha, endi bul úkimettiń sońǵy kezderi koronavirýs indetine shaldyqqandar sanynyń kúrt kóbeiýine bailanysty 2020 jyldyń sońyna qarai qolǵa alynady.
Aita ketsek, Norvegiia 2025 jyly janarmaimen júretin jańa avtomobilderdi túgeldei satýǵa tyiym salatyn alǵashqy el bolǵaly otyr.
Al Germaniia, Irlandiia jáne Niderlandy tyiym salýdy 2030 jyly engizbek. Frantsiiada ekologiialyq taza kólikter 2040 jyldan bastap balamasyz bolmaq.
